ඔස්ට්රේලියාවේ නිල ජාතික ගුවන් සේවය වන Qantas සමාගම, ලන්ඩන් නුවර පැවැති Cellars in the Sky Awards සම්මාන උළෙලේදී ප්රධාන සම්මාන 13ක් දිනා ගැනීමට සමත්ව තිබෙනවා.
එහිදී Qantas සතු ලොව විශිෂ්ටතම In-flight drinks menu යළිත් වරක් සනාථ කිරීමට ඔවුන්ට හැකිවුණා.
40 වන වරටත් සංවිධානය කෙරුණු මෙම ජාත්යන්තර තරඟාවලියේදී, ලොව පුරා ගුවන් සේවාවන් මගීන්ට සපයන වයින් සහ අනෙකුත් පාන වර්ගවල ගුණාත්මකභාවය ඇගයීමට ලක් කෙරුණා.
එහිදී Qantas ගුවන් සේවය Best First Class Wine Cellar සහ Best Airline Lounge Drinks Programme ඇතුළු අංශ 9ක රන් සම්මාන දිනා ගැනීම විශේෂත්වයක්.
ගුවන් විද්යාඥයින් සහ වයින් විශේෂඥයින් පෙන්වා දෙන්නේ පොළොව මතුපිටදී ඉතා රසවත් වන වයින් වර්ගයක්, ගුවන් යානයක් තුළ පවතින වියළි වායුගෝලය සහ පීඩනය හමුවේ තිත්ත හෝ අධික ඇඹුල් රසයක් ගත හැකි බවයි.
මේ හේතුවෙන් අහසේදී මගීන්ට උපරිම රසයක් ලබා දිය හැකි මෘදු සහ ගුණාත්මක වයින් වර්ග තේරීම විශේෂ දක්ෂතාවක් වන අතර, Qantas සමාගම ඔස්ට්රේලියානු නිෂ්පාදකයින් 150කට අධික සංඛ්යාවකින් වයින් වර්ග 250කට වඩා මේ සඳහා තෝරාගෙන තිබෙනවා.
මේ අතර ජනප්රිය ලෝක තරඟාවලියකදී මෙවැනි විශිෂ්ට ජයග්රහණයක් ලැබීම ඔස්ට්රේලියානු වයින් කර්මාන්තය ජාත්යන්තරයට රැගෙන යාමට ලැබුණු මනා පිටුවහලක් බවයි Qantas සමාගමේ කළමනාකාරීත්වය ප්රකාශ කර සිටින්නේ.
