ඕස්ට්රේලියාවේ සංක්රමණිකයන් ගැන ඇතිවන වර්තමාන සංවාදය තුළ, සංක්රමණිකයන් රටේ ආර්ථිකයට සහ සමාජයට විශාල දායකත්වයක් දෙන බව විශේෂඥයන් පවසනවා.
සෞඛ්ය, අධ්යාපන, තොරතුරු තාක්ෂණ (IT) සහ හෝටල්/සේවා ක්ෂේත්රවල ඉන්දියානු සංක්රමණිකයන් ඇතුළු බොහෝ සංක්රමණිකයන් වැදගත් කාර්යභාරයක් ඉටු කරනවා.
ඕස්ට්රේලියානු ජාතික විශ්වවිද්යාලයේ සංක්රමණ පර්යේෂණ මධ්යස්ථානයේ අධ්යක්ෂක ඇලන් ගැම්ලන් පවසන්නේ, නිවාස මිල ඉහළ යාම හෝ රැකියා අඩු වීම වැනි ගැටලු වලට සංක්රමණිකයන්ව පමණක් වගකිව යුතු බවට චෝදනා කිරීම අසාධාරණ බවයි.
ඔහු කියාසිටියේ මේ ගැටලු වැඩි වශයෙන් ආර්ථික ප්රතිපත්ති සහ වෙළඳපොළ තත්ත්වයන් නිසා ඇතිවන ඒවා බවයි.
එසේම ඉන්දියානු සංක්රමණිකයන් වැනි විශාල ප්රජාවන්, සමාජයේ විවිධ මතභේද ඇතිවන අවස්ථාවලදී පහසු ඉලක්කයක් විය හැකි බවද ඔහු පෙන්වා දෙනවා.
ඉතිහාසයේත් විවිධ කාලවලදී සංක්රමණිකයන්ට එරෙහි මතවාද නැවත නැවත මතුවී ඇති බවද සඳහන්.
අනෙක් අතට, බොහෝ සංක්රමණිකයන් පවසන්නේ ඔවුන් රටට පැමිණ ඇත්තේ වඩා හොඳ අනාගතයක් සදහා වෙහෙස මහන්සි වී වැඩ කිරීමට බවත්, ඔවුන්ගේ අනන්යතාවය “ඕස්ට්රේලියානුවන්” ලෙසම ගෞරවයෙන් පිළිගත යුතු බවයි.
විශේෂඥයන් අවධාරණය කරන්නේ සංක්රමණ පිළිබඳ විවාදය සමාජය බෙදීමක් බවට පත් නොවී, බහු සංස්කෘතික රටක් ලෙස සමබරව ඉදිරියට යා යුතු බවයි.
Source: SBS News
