ඉරානයේ දීර්ඝකාලීන නායකයාවූ Ali Khameneiගේ පුත්රයා වන Mojtaba Khamenei නව උත්තරීතර නායකයා ලෙස පත් කිරීමෙන් පසු රට තුළ දැඩි මතධාරීන් අතර උද්යෝගය ඉහළ ගොස් තිබෙනවා.
ඉරානයේ විශේෂඥයින්ගේ සභාව විසින් මෙම තීරණය ඉරිදා නිල වශයෙන් ප්රකාශයට පත් කළා.
ටෙහෙරානයේ විශාල ජනකායක් ධජ ලෙළවමින් “කමේනි නායකයා” යනුවෙන් සටන් නාද කරමින් මෙම පත්වීම සැමරූ අතර නව නායකයාට Islamic Revolutionary Guard Corps සමඟ ශක්තිමත් සබඳතා ඇති බවත් වාර්තා වනවා.
මෙම පත්වීම සමඟම ඉරාන හමුදාව, ඊශ්රායලය ඉරානයේ බලශක්ති යටිතල පහසුකම්වලට ප්රහාර එල්ල කළහොත්, කලාපය පුරා තෙල් ගබඩා සහ බලශක්ති ස්ථාන ඉලක්ක කරමින් මිසයිල ප්රහාර වැඩි කරන බවට අනතුරු අඟවා තිබෙනවා.
ඉරාන හමුදා ප්රකාශකයෙකු පවසන්නේ, ගැටුම තවදුරටත් වර්ධනය වුවහොත් ලෝක තෙල් මිල බැරලයකට ඩොලර් 200 ඉක්මවා යා හැකි බවයි.
කෙසේවෙතත් මෙම තත්ත්වය මැදපෙරදිග කලාපයේ ආරක්ෂාව සහ ගෝලීය බලශක්ති වෙළඳපොළ පිළිබඳ කනස්සල්ල තවත් වැඩි කර ඇති බව විශ්ලේෂකයින් සදහන් කළා.
