Instagram මඟින් ඔස්ට්රේලියාවේ මව්පියන්ට නව අනතුරු ඇඟවීම් පද්ධතියක් හඳුන්වා දීමට සූදානම් වනවා.
ඉදිරි සති කිහිපය තුළ, 16 සහ 17 වයස්වල තරුණයන් Suicide හෝ Self-harm සම්බන්ධ අන්තර්ගතයන් නැවත නැවත සෙවුම් කරන අවස්ථාවල, supervision tools භාවිත කරන මව්පියන්ට සෘජු දැනුම්දීමක් ලැබෙනු ඇති.
මෙම අනතුරු ඇඟවීම් app තුළ notification ලෙසත්, Email, SMS හෝ WhatsApp මඟින්ත් ලැබෙන අතර, දරුවා සමඟ මේ පිළිබඳ සංවාදයක් ආරම්භ කිරීමට විශේෂඥ උපදෙස්ද එක් කර තිබෙනවා.
කෙසේ වෙතත්, Anxiety හෝ Depression වැනි සාමාන්ය මානසික සෞඛ්ය සෙවුම්වලට පමණක් මෙම දැනුම්දීම ක්රියාත්මක වන්නේ නැහැ.
එය ක්රියාත්මක වන්නේ ඉහළ අවදානම් මට්ටමක් ඇති සෙවුම් සඳහා පමණක් බවයි වාර්තා වන්නේ.
මෙම පියවර හඳුන්වා දෙන්නේ Meta විසින් වන අතර Meta සමාගම ළමයින් සහ AI අතර සිදුවන සංවාද පිළිබඳවද සමාන අනතුරු ඇඟවීම් ක්රමයක් ඉදිරියේදී හඳුන්වා දීමට නියමිතයි.
ඔස්ට්රේලියාවේ 16 වයසට අඩු දරුවන් සඳහා සමාජ මාධ්ය භාවිතයට තහනමක් පසුගිය දෙසැම්බර් මාසයේ සිට ක්රියාත්මක වන අතර, එයට අනුකූල නොවන සමාගම්වලට ඩොලර් මිලියන 49.5ක් දක්වා දඩ නියම කළ හැක වනවා.
මෙම නීතියට YouTube, Facebook, Threads, Snapchat, Reddit සහ TikTok ඇතුළු වේදිකා 10ක් ඇතුලත් වනවා.
මෙම නීතියේ බලපෑම පිළිබඳව eSafety Commission විසින් පවුල් දහස් ගණනක් නිරීක්ෂණය කිරීමට සැලසුම් කර ඇති අතර, ප්රථම වාර්තාව මේ වසරේ නිකුත් කිරීමට නියමිතයි.
