ඔස්ට්‍රේලියාවේ සේවා ස්ථානවල sexual harassment සම්බන්ධ පැමිණිලි සංඛ්‍යාව වාර්තාගත මට්ටමකට ඉහළ ගොස් ඇති අතර, ඒවා විමර්ශනය කිරීමේදී දිගු ප්‍රමාදයන් ඇතිවී තිබෙන බව නව දත්තවලින් හෙළි වී තිබෙනවා.

පසුගිය මූල්‍ය වසරේ Australian Human Rights Commission වෙත Sex Discrimination Act යටතේ පැමිණිලි 759ක් ලැබී ඇති අතර, එය පෙර වසරට සාපේක්ෂව 21%ක ඉහළ යාමක්.

එම පැමිණිලි අතරින් 460ක් sexual harassment සම්බන්ධ වූ අතර, ඒවායෙන් 95%ක් සේවා ස්ථානවල සිදුවූ සිද්ධීන්ට අදාළයි.

පැමිණිල්ලක් ඉදිරිපත් කළ පසු case officer කෙනෙකු ලබාගැනීමට සාමාන්‍යයෙන් මාස හතකට ආසන්න කාලයක් බලා සිටීමට සිදුවන බවද වාර්තාව සඳහන් කරනවා.

විශේෂයෙන් workplace sexual harassment පැමිණිලිවලින් 49%ක් විසඳීමට වසරකට වැඩි කාලයක් ගතවී ඇති බව නව සංඛ්‍යාලේඛන පෙන්වා දෙනවා.

ප්‍රමාදයන් ප්‍රාන්ත අනුවත් වෙනස් වන අතර, Queensland හි පැමිණිල්ලක් case officer කෙනෙකුට යොමු කිරීමට සාමාන්‍යයෙන් දින 246ක් සහ අවසන් කිරීමට දින 424ක් පමණ ගතවී ඇති බව සඳහන්.

විශේෂඥයන් පෙන්වා දෙන්නේ පැමිණිලි වැඩිවීම සේවා ස්ථාන අයිතිවාසිකම් පිළිබඳ දැනුවත්භාවය සහ පැමිණිලි ඉදිරිපත් කිරීමට ඇති විශ්වාසය වැඩිවීම නිසා විය හැකි බවයි.