ඔස්ට්රේලියාවේ ඉන්ධන ආරක්ෂාව වැඩි කිරීමට ෆෙඩරල් රජය ඩොලර් බිලියන 3.2ක නව සැලැස්මක් ආරම්භ කර තිබෙනවා.
ඒ අනුව අනාගත ජාත්යන්තර අර්බුද හෝ සැපයුම් බාධා සඳහා රට තුළ diesel සහ jet fuel ලීටර් බිලියනයක් තබාගැනීමට සැලසුම් කර ඇති බවයි වාර්තා වන්නේ.
මෙම ඉන්ධන තොගය ඔස්ට්රේලියාව තුළ කොතැන තබන්නේද, කොපමණ වේගයෙන් ගොඩනගන්නේද සහ එය කළමනාකරණය කරන්නේ කවුද යන්න ගැන රජය අදහස් ලබාගනිමින් සිටිනවා.
ඒ සමඟ 2030 වනවිට ඉන්ධන සමාගම් විසින් petrol, diesel සහ jet fuel සඳහා අමතර දින 10කට ප්රමාණවත් තොගයක් තබාගැනීමටත් නියම කිරීමට සැලසුම් කර ඇති බව සඳහන්.
රජය පවසන්නේ මෑත කාලයේ ඇතිවූ ජාත්යන්තර අර්බුද ඔස්ට්රේලියාව විදේශ ඉන්ධන සැපයුම් මත වැඩිපුර රඳා සිටීමේ අවදානම පෙන්වා දුන් බවයි.
බලශක්ති අමාත්ය Chris Bowen පවසන්නේ අනාගත අර්බුදයකදී රටට වැඩි ආරක්ෂාවක් ලබාදීමට ඔස්ට්රේලියාව තුළම වැඩි ඉන්ධන ප්රමාණයක් තබාගැනීම අවශ්ය බවයි.
මෙම සැලැස්ම ක්රියාත්මක වීමත් සමඟ ඉදිරියේ ඉන්ධන හිඟයක් ඇතිවුණත් ඔස්ට්රේලියාවට වැඩි ආරක්ෂිත තොගයක් තිබීම රජයේ අරමුණයි.
