ඔස්ට්රේලියාව තුළ සංක්රමණිකයන්ට එරෙහිව නැගී එන මහජන විරෝධතාවලට සහ දේශපාලනික බලපෑම්වලට පිළිතුරු වශයෙන්, සංචාරය අතරතුර රැකියා කිරීමට අවස්ථාව ලබාදෙන Working Holiday හෙවත් ‘Backpacker’ වීසා නිකුත් කිරීමේ ක්රියාවලිය මන්දගාමී කර ඇති බව සංක්රමණ අමාත්ය Tony Burke තහවුරු කර තිබෙනවා.
මෙම වීසා ක්රියාවලිය සම්පූර්ණයෙන්ම අත්හිටුවා නොමැති වුවද, පෙර පැවැති වේගයට වඩා සෙමින් සිදුවන බවයි අමාත්යවරයා සඳහන් කළේ.
ගොවිපළ සහ ප්රාදේශීය රැකියා සඳහා පැසිෆික් කලාපීය ශ්රමික යෝජනා ක්රමය ප්රධාන වශයෙන් භාවිත කළ යුතු අතර, ඇතැම් ව්යාපාරිකයන් අවම සේවා කොන්දේසි යටතේ Backpacker ශ්රමිකයන් සූරාකෑම වැළැක්වීම මෙම පියවරට හේතු වී තිබෙනවා.
ස්වදේශ කටයුතු දෙපාර්තමේන්තුවේ දත්තවලට අනුව, 2025 ජූනි මාසය වන විට ඔස්ට්රේලියාව තුළ මෙම වීසා හිමියන් 210,000කට අධික සංඛ්යාවක් සිටි අතර, එය කොවිඩ් වසංගතයට පෙර පැවැති මට්ටම මෙන් 100,000ක පමණ ඉහළ යාමක්.
මේ අතර, විපක්ෂ සංධානය සහ One Nation පක්ෂය විසින් ජාත්යන්තර සිසුන් ඇතුළත් කරගැනීම සීමා කරන ලෙසට රජයට දැඩි ලෙස බලපෑම් කරමින් සිටිනවා.
මීට අමතරව, ශුද්ධ සංක්රමණික සංඛ්යාව (Net Overseas Migration) අඩු කිරීමේ අරමුණින්, විදේශයන්හි සිට අයදුම් කරන අයට වඩා දැනට ඔස්ට්රේලියාව තුළ සිටින පුද්ගලයින්ගේ වීසා අයදුම්පත් සඳහා ප්රමුඛතාව ලබාදෙන ලෙස ද ආගමන විගමන අමාත්යවරයා අදාළ දෙපාර්තමේන්තුවට උපදෙස් දී තිබෙනවා.
