AI තාක්ෂණයේ සීඝ්ර වර්ධනයත් සමඟ අවදානමට ලක්ව ඇති රැකියා සම්බන්ධයෙන් ඔස්ට්රේලියානු ෆෙඩරල් රජය විශේෂ දත්ත විශ්ලේෂණ වාර්තාවක් නිකුත් කළා.
2022 වසරේ ChatGPT වැනි මෙවලම් භාවිත කිරීමට පටන් ගත් දින සිට මේ දක්වා වසර 4ක කාලය තුළ රැකියා ක්ෂේත්රයට සිදු වූ සැබෑ බලපෑම මෙහිදී අනාවරණය කර තිබෙනවා.
ඔස්ට්රේලියාවේ ප්රධාන ආර්ථික විද්යාඥ Matt Cowgill විසින් සකස් කරන ලද මෙම වාර්තාවට අනුව, ශාරීරික ශ්රමය සහ සෘජුව දෑතින් සිදු කරන රැකියා (Hands-on jobs) AI තාක්ෂණයේ බලපෑමෙන් වඩාත්ම ආරක්ෂිතව පවතිනවා.
ඒ අනුව Plumbers, Electricians, Child and Aged Care Workers ස්ථාවර මට්ටමක පසුවන බවයි වාර්තා වන්නේ.
එහෙත් Accountants, Receptionists සහ Marketing ක්ෂේත්රයේ වෘත්තිකයන් AI අවදානමට වැඩි වශයෙන් නිරාවරණය වී තිබෙනවා.
AI තාක්ෂණයට නිරාවරණය වීමේ වැඩිම ඉඩක් පවතින්නේ විශ්වවිද්යාල උපාධිධාරීන්ට සහ කාන්තාවන්ට වීම විශේෂත්වයක්.
වාර්තාවට අනුව, අවදානම අඩු වෘත්තීන්වල නියැලෙන්නන්ගෙන් 70%ක් පිරිමි පුද්ගලයන් වන අතර ඔවුන්ගෙන් බහුතරයක් උපාධිධාරීන් වන්නේ නැහැ.
කෙසේ වෙතත්, මේ වන විට ඔස්ට්රේලියානු රැකියා වෙළඳපොළ මෙම තත්ත්වයට සාර්ථකව මුහුණ දෙමින් සිටිනවා.
AI අවදානම සහිත රැකියා ක්ෂේත්රවල වර්ධනය 5.6%ක මන්දගාමී තත්ත්වයක පැවතුණ ද අවදානම අඩු රැකියා ක්ෂේත්ර 9.5%ක ඉහළ වර්ධනයක් පෙන්වා තිබෙනවා.
එමෙන්ම Software Developers වැනි වෘත්තීන්, AI තාක්ෂණය බහුලව භාවිත කළ ද, වසර 4ක් තුළ 25% ක රැකියා වර්ධනයක් අත්කරගෙන ඇති බවයි වාර්තාවේ දැක්වෙන්නේ.
