ආර්ථික අර්බුදය, ජීවන වියදම් ඉහළ යාම සහ රැකියා අවස්ථා අඩුවීම හේතුවෙන් නවසීලන්තයේ පුද්ගලයන් විශාල සංඛ්යාවක් විදේශගත වෙමින් ඇති බව වාර්තා වනවා.
දත්ත අනුව, වයස අවුරුදු 30 සිට 50 අතර නවසීලන්ත වැසියන් විදේශගත වන සංඛ්යාව පසුගිය වසර හතර තුළ 18,000 සිට 43,000 දක්වා දෙගුණයකට වැඩි වී ඇත.
මෙම පිරිස අතරින් බොහෝ දෙනා ඕස්ට්රේලියාව වෙත යමින් සිටින අතර, එහි වැඩි වැටුප් සහ වඩා හොඳ රැකියා අවස්ථා ඇති බවයි කියා සිටින්නේ.
ආර්ථික විශේෂඥයන් පවසන්නේ නවසීලන්තයේ ආර්ථිකය වසර දෙකක් පුරා දුර්වල තත්ත්වයක පවතින බවයි.
මේ අතර, නවසීලන්තයේ හිටපු අගමැති Jacinda Ardern ද තම පවුල සමඟ සිඩ්නි නගරයට පදිංචියට ගොස් ඇති බවත් වාර්තා වනවා.
විශේෂඥයන් අනතුරු අඟවන්නේ මධ්යම වයස්වල පසුවන්නන් විදේශගත වීම නවසීලන්තයේ ආර්ථිකයට අනාගතයේදී අවදානමක් ඇති කළ හැකි බවයි.
