අද රාත්රියේ කාලගුණ තත්ත්වය යහපත් නම්, ග්රහලෝක 6ක් එකවර අහසේ දැකගැනීමේ විශේෂ අවස්ථාවක් ලැබෙන බව NASA සඳහන් කරනවා.
මෙම “ග්රහලෝක පෙරහැර” සිදුවන්නේ සූර්යයා වටා ග්රහලෝක ගමන් කරන කක්ෂ එකට සමානව පිහිටීම හේතුවෙන්.
ඔබට පියවි ඇසින් දැකගත හැකි ග්රහලෝක වන්නේ Mercury, Venus, Saturn, සහ Jupiter වන අතර බයිනොක්යුලර් හෝ දුරදර්ශකයක් මගින් Uranus සහ Neptune දැකගත හැකියි.
මෙය සූර්ය ග්රහණයක් නැරඹීමේදී මෙන් ආරක්ෂිත කණ්නාඩි පැළඳීම අවශ්ය වන්නේ නැහැ.
මේවා නැරඹීමට හොඳම කාලය සන්ධ්යා සමයේ (sunset පසු) හෝ උදෑසන (sunrise පෙර) අවස්ථාවලදීයි.
ග්රහලෝක පෘථිවි දර්ශන සීමාවේ අඩුම වශයෙන් අංශක 10කට ඉහළින් පෙනී සිටිය යුතුයි.
Venus – සූර්යයා හා චන්ද්රයා පසු අහසේ දීප්තිමත්ම වස්තුව වන අතර සුදු පැහැයෙන් දිස්වනු ඇති.
Mars, රතු පැහැති බින්දුවක් ලෙස පෙනෙන අතර Saturn – කහ පැහැති ආලෝකයක් දල්වයි.
Jupiter – ඉහළ අහසේ පැහැදිලිව පෙනෙන අතර Mercury – හඳුනාගැනීමට අසීරුම ග්රහලෝකය වනවා.
මේ අතර ලබන අඟහරුවාදා සම්පූර්ණ චන්ද්ර ග්රහණයක් ආසියා, ඕස්ට්රේලියා, පැසිෆික් දූපත් සහ ඇමරිකා ප්රදේශවලින් දැකගත හැකි අතර එහිදී චන්ද්රයා “blood moon” ලෙස රතු පැහැයෙන් දිස්වනු ඇති.
මැයි 31දා “Blue Moon” (මාසයක දෙවන පූර්ණ චන්ද්රයා) දක්නට ලැබෙන අතර ජූනි 8 සහ 9 දිනවල Venus සහ Jupiter එකිනෙකට ඉතා සමීපව අහසේ දිස්වනු ඇති බවයි නාසා ආයතනය පවසන්නේ.
මෙවැනි සිදුවීම් ග්රහලෝක සූර්යයා වටා ගමන් කරන ආකාරය සහ ඒවා පෘථිවියට සම්බන්ධව ස්ථානගත වන විදිහ අවබෝධ කරගැනීමටත්, විද්යාත්මක අභ්යාවකාශ මෙහෙයුම් සැලසුම් කිරීමටත් වැදගත් වනු ඇති.
