ඔස්ට්රේලියාවේ ගෘහස්ථ හෝ පවුල් හිංසනයකට මුහුණ දෙන අය සඳහා ඔවුන්ගේ වීසා තත්ත්වය සම්බන්ධයෙන්ද සහාය ලබාදෙන බව ස්වදේශ කටයුතු දෙපාර්තමේන්තුව පවසනවා.
වීසා වර්ගය කුමක් වුවත් හිංසනයට ලක්වන අයට සහාය ලබාගැනීමට හැකි බවයි දෙපාර්තමේන්තුව පැහැදිලි කරන්නේ.
ඔස්ට්රේලියාවේ රැඳී සිටීමට නම් බියෙන් හෝ හිංසනයෙන් පිරුණු සම්බන්ධතාවයක දිගටම සිටිය යුතු නැති බවත් එහි සඳහන්.
විශේෂයෙන් තාවකාලික වීසා හිමියන්ට තම වීසා තත්ත්වය සහ අනෙකුත් සංක්රමණ ගැටලු සම්බන්ධයෙන් දෙපාර්තමේන්තුවට සෘජුවම විමසීමට විශේෂ සම්බන්ධතා පෝරමයක්ද ලබාදී තිබෙනවා.
ලියාපදිංචි සංක්රමණ නියෝජිතයන්ට සහ නීතිඥයන්ටද තම සේවාලාභීන් වෙනුවෙන් නිසි අනුමැතිය සහිතව මෙම සේවාව භාවිත කළ හැකියි.
මේ සඳහා තොරතුරු පත්රිකා සහ විවිධ භාෂාවලින් තොරතුරු ලබාදීමටද දෙපාර්තමේන්තුව පහසුකම් සලසා තිබෙනවා.
ඒ අනුව වීසා අහිමිවේ යැයි බියෙන් හිංසාකාරී සම්බන්ධතාවයක රැඳී සිටිය යුතු නැති බව මෙම දැනුම්දීමේ වැඩිදුරටත් සඳහන්.
