ඔස්ට්රේලියානු පවුල් සහ සේවකයන්ට ජීවන වියදම් පීඩනයෙන් සැබෑ සහනයක් ලැබීමට තවත් කාලයක් ගතවිය හැකි බව CommBank නවතම විශ්ලේෂණයකින් පෙන්වා දෙනවා.
CommBank දත්ත අනුව වාර්ෂික වැටුප් වර්ධනය සියයට 3.2ක් පමණ වන අතර, වාර්ෂික උද්ධමන අගය සියයට 3.8ක් ලෙස තවමත් ඉහළ මට්ටමක පවතිනවා.
ඒ අනුව බොහෝ සේවකයන්ගේ වැටුප් වැඩිවීම භාණ්ඩ හා සේවා මිල ඉහළ යාමට වඩා අඩුයි.
මෙම තත්ත්වය නිසා groceries, electricity, insurance, rent සහ mortgage වැනි අත්යවශ්ය වියදම් ගෙවීමේදී පවුල්වලට තවමත් දැඩි පීඩනයක් දැනෙනවා.
කෙසේ වෙතත්, CommBank අනාවැකිය අනුව 2027 දී පොලී අනුපාත අඩු කිරීම් දෙකක් සිදුවිය හැකි අතර, ඒවා මැයි සහ අගෝස්තු මාසවලදී සිදුවනු ඇති බවයි දැනට අපේක්ෂා කරන්නේ.
RBA අනාවැකි අනුවද inflation අගය 2027 දෙවන භාගයේදී සියයට 2ත් 3ත් අතර ඉලක්ක පරාසයට ආපසු පැමිණීමට හැකියාව තිබෙනවා.
ඒ අනුව 2027 සිට 2028 දක්වා කාලය තුළ වැටුප් සහ ජීවන වියදම් අතර පරතරය අඩුවී, පවුල්වලට සහ සේවකයන්ට ක්රමයෙන් වැඩි සහනයක් දැනෙන්නට ඉඩ ඇති බවයි ආර්ථික අනාවැකි පෙන්වා දෙන්නේ.
නමුත් එම සහනය ඉක්මනින්ම ලැබෙන බවට සහතිකයක් නොමැති අතර උද්ධමනය නැවත ඉහළ ගියහොත් හෝ පොලී අනුපාත දිගු කාලයක් ඉහළ මට්ටමේ පැවතුණහොත්, ජීවන වියදම් අර්බුදයෙන් ගොඩ ඒම තවත් ප්රමාද විය හැකි වනු ඇති.
