ඔස්ට්‍රේලියාවේ ජීවත් වන ශ්‍රී ලාංකිකයන්ට තම ශ්‍රී ලංකා Driving Licence එක අලුත් කරගැනීම සඳහා විදේශගතව සිටියදීම අයදුම් කිරීමේ පහසුකම ලබාදී තිබෙනවා.

ශ්‍රී ලංකා මහා කොමසාරිස් කාර්යාලය සඳහන් කරන්නේ Driving Licence Renewal සඳහා අවශ්‍ය ලේඛන සමඟ තැපැල් මගින්ද අයදුම්පත් ඉදිරිපත් කළ හැකි බවයි.

මේ සඳහා MTA 30/2 අයදුම්පත, වත්මන් ශ්‍රී ලංකා Driving Licence එකේ පිටපතක් සහ මාස තුනක් ඇතුළත ලබාගත් වෛද්‍ය සහතිකයක් ඉදිරිපත් කළ යුතු බව සඳහන් කර තිබෙනවා.

එමෙන්ම වලංගු ශ්‍රී ලංකා Passport සහ Visa පිටපත්, අවශ්‍ය නම් ජාතික හැඳුනුම්පත් පිටපතක් සහ කළු සුදු Passport ප්‍රමාණයේ ඡායාරූප තුනක්ද ඉදිරිපත් කළ යුතුයි.

Driving Licence එක අලුත් කිරීම සඳහා ගාස්තුව ඔස්ට්‍රේලියානු ඩොලර් 150ක් වන අතර, Australia තුළ සාමාන්‍ය තැපැල් ගාස්තුව ලෙස තවත් ඩොලර් 10ක් අය කරන බව මහා කොමසාරිස් කාර්යාලය සඳහන් කරනවා.

Licence එක කල් ඉකුත්වී තිබේ නම්, කල් ඉකුත් වූ දිනයේ සිට සෑම වසරකටම අමතර ඕස්ට්‍රේලියානු ඩොලර් 15ක ගාස්තුවක් එකතු වන බවද දැනුම් දී තිබෙනවා.

විශේෂයෙන් Victoria, South Australia සහ Tasmania හි පදිංචි ශ්‍රී ලාංකිකයන්ට මේ සම්බන්ධයෙන් Melbourne හි ශ්‍රී ලංකා කොන්සල් ජනරාල් කාර්යාලය හරහා කටයුතු කළ හැකි බව නිල තොරතුරුවල සඳහන් වෙනවා.