ඔස්ට්‍රේලියාවේ වෙළෙඳ හිඟය June කාර්තුවේදී ඩොලර් බිලියන 5.1ක් දක්වා ඉහළ ගොස් ඇති අතර, March කාර්තුවේදී එය ඩොලර් බිලියන 2.4ක් ලෙස වාර්තා වී තිබුණා.

ඒ අනුව ඔස්ට්‍රේලියාව අඛණ්ඩව දෙවැනි කාර්තුවටත් වෙළෙඳ හිඟයක් වාර්තා කර ඇති අතර, මෙවැනි තත්ත්වයක් අවසන් වරට දක්නට ලැබුණේ 2017 වසරේදීයි.

මෙම හිඟය වැඩිවීමට ප්‍රධාන වශයෙන් බලපා ඇත්තේ ඉන්ධන සහ මගී වාහන විශාල ප්‍රමාණයක් ආනයනය කිරීම වන අතර, ඉන්ධන මිල ඉහළ යාමත් සමඟ විදුලි සහ Hybrid වාහන සඳහා ඇති ඉල්ලුමද වැඩි වී තිබෙනවා.

Australian Bureau of Statistics පවසන්නේ June කාර්තුවේදී ඉන්ධන සහ ලිහිසි ද්‍රව්‍ය ආනයන වියදම සියයට 42.5කින් ඉහළ ගොස් ඇති අතර, ලෝක ඉන්ධන මිල ඉහළ යාම ඊට ප්‍රධාන හේතුවක් වී ඇති බවයි.

එමෙන්ම විදුලි සහ Plug-in Hybrid වාහන ආනයනයද වාර්තාගත මට්ටමකට ඉහළ ගොස් ඇති අතර, ඉන්ධන මිල ඉහළ යාම සහ ඉන්ධන සැපයුම පිළිබඳ ඇති අවිනිශ්චිතතාව හේතුවෙන් පාරිභෝගිකයන් එවැනි වාහන වෙත වැඩි වශයෙන් යොමු වී ඇති බව සඳහන්.

මේ අතර ඔස්ට්‍රේලියාවේ සමස්ත current account deficit එකද June කාර්තුවේදී ඩොලර් බිලියන 27.2ක් දක්වා ඉහළ ගොස් ඇති අතර, ආනයන වියදම් වැඩිවීම ආර්ථිකයට තවදුරටත් පීඩනයක් එල්ල කර තිබෙනවා.

කෙසේ වෙතත් Coal, Lithium සහ Gas වැනි ප්‍රධාන අපනයන භාණ්ඩවල මිල ඉහළ යාමෙන් ඔස්ට්‍රේලියාවේ අපනයන ආදායමට යම් සහයක් ලැබී ඇති අතර, මෙම වෙළෙඳ දත්ත ඉදිරි ආර්ථික වර්ධනය සහ Reserve Bank of Australia හි පොලී අනුපාත තීරණ සඳහාද වැදගත් විය හැකියි.