ඔස්ට්‍රේලියාවේ නිවාස රක්ෂණ හිමියන්ට Cash Settlement සම්බන්ධයෙන් ASIC ආයතනයෙන් අනතුරු ඇඟවීමක් නිකුත් කර තිබෙනවා.

ASIC පරීක්ෂා කළ රක්ෂණ හිමිකම්වලින් අවම වශයෙන් සියයට 63කදී සම්පූර්ණ හෝ අර්ධ Cash Settlement ලබාදී ඇති බව හෙළිවී තිබෙනවා.

එමෙන්ම පරීක්ෂා කළ රක්ෂණ හිමිකම්වලින් සියයට 52ක්ම පදනම් වී ඇත්තේ එක් අලුත්වැඩියා ඇස්තමේන්තුවක් මත බවත් ASIC පවසනවා.

එවැනි ඇස්තමේන්තු, නිවසේ සැබෑ අලුත්වැඩියා වියදමට වඩා අඩු වුවහොත්, ඉතිරි මුදල තමන්ගේ වියදමින් ගෙවීමට පාරිභෝගිකයන්ට සිදුවිය හැකියි.

මුදල් ලබාගැනීමෙන් පසු අලුත්වැඩියාකරුවන් සොයාගැනීම, වැඩ කටයුතු අධීක්ෂණය කිරීම සහ අනපේක්ෂිත වියදම් දැරීමේ වගකීමද නිවාස හිමියන්ට පැවරෙනවා.

මේ අතර, පාරිභෝගිකයන් සමඟ කටයුතු කිරීමේදී රක්ෂණ ආයතන කිහිපයක් තමන්ගේම ප්‍රතිපත්ති නිසි ලෙස ක්‍රියාත්මක නොකරන බවත් ASIC පරීක්ෂණයෙන් හෙළිවී තිබෙනවා.

එබැවින් Cash Settlement එකක් පිළිගැනීමට පෙර, ලබාදෙන මුදල සැබෑ අලුත්වැඩියා වියදම ආවරණය කරනවාදැයි හොඳින් පරීක්ෂා කරන ලෙස ASIC නිවාස හිමියන්ට උපදෙස් දී තිබෙනවා.