ඔස්ට්‍රේලියානුවන්ගේ ලිංගික ජීවිතය, සබඳතා සහ කැමැත්ත පිළිබඳ නව සමීක්ෂණයකින් රසවත් තොරතුරු රැසක් හෙළිවී තිබෙනවා.

Body+Soul Sex Census 2026 සඳහා ලිංගිකව සක්‍රීය ඔස්ට්‍රේලියානුවන් 2,100කට වැඩි පිරිසක් සහභාගී වී ඇති අතර, නගරයෙන් නගරයට ලිංගික සබඳතා සඳහා ඇති ප්‍රධාන හේතු වෙනස් වන බව එහිදී හෙළිව තිබෙනවා.

Sydney හි සහභාගී වූවන් අතර සියයට 40කට ආසන්න පිරිසක් ලිංගික සබඳතා සඳහා ප්‍රධාන හේතුව ලෙස emotional connection හෙවත් මානසික හා හැඟීම්මය බැඳීම සඳහන් කර තිබෙනවා.

Melbourne හි සහභාගී වූවන් අතර තුනෙන් එකකට වැඩි පිරිසක් තමන්ට අවශ්‍ය බව සහ ආකර්ෂණීය බව දැනීම හෙවත් validation සහ feeling desired ප්‍රධාන හේතුවක් ලෙස සඳහන් කර තිබෙනවා.

Queensland හි සහභාගී වූවන්ගෙන් අඩකට ආසන්න පිරිසක් fun and excitement සඳහා ලිංගික සබඳතා පවත්වන බවත්, සියයට 42ක් පමණ stress අඩු කර ගැනීම සඳහා physical intimacy භාවිත කරන බවත් සමීක්ෂණය පෙන්වා දෙනවා.

Brisbane නගරය vibrator භාවිතය හෝ ඒවා භාවිත කිරීමට ඇති කැමැත්ත අතින් ඉදිරියෙන් සිටින අතර, එහි ප්‍රතිශතය සියයට 75ක්. Sydney හි එය සියයට 66ක් සහ Melbourne හි සියයට 56ක් ලෙස සඳහන්.

සමීක්ෂණයට අනුව ඔස්ට්‍රේලියානුවන්ගෙන් සියයට 75ක් තම ලිංගික ජීවිතය පිළිබඳ සෑහීමකට පත්ව සිටින අතර, තුනෙන් එකක් පමණ තමන් “ඉතා සෑහීමකට පත්වන” බව ප්‍රකාශ කර තිබෙනවා.

තරුණ පරපුර අතර සාම්ප්‍රදායික නොවන සබඳතා පිළිබඳ කැමැත්තද වැඩි බව survey එක පෙන්වා දෙනවා. Gen Z සහභාගී වූවන්ගෙන් සියයට 33ක් සහ Millennials අතර සියයට 25ක් non-monogamous හෝ open relationship ආකාරයේ සබඳතා සඳහා කැමැත්ත පළ කර තිබෙනවා.

මෙය Australian Bureau of Statistics විසින් සිදුකරන නිල ජන සංගණනයක් නොව, Body+Soul විසින් සිදුකරන ලද Sex Census 2026 survey එකක් බවද සැලකිල්ලට ගත යුතුයි.