ඩොලර් 7,000කට ආසන්න විශාල Dinner Bill එකක් ගෙවීම ප්රතික්ෂේප කළ බව කියන යුවළක් සම්බන්ධයෙන් මෙල්බන් අවන්හලකදී උණුසුම් තත්ත්වයක් ඇතිවී තිබෙනවා.
වාර්තාවට අනුව, මෙම යුවළ චීන අවන්හලකින් විශාල ආහාර වේලක් ලබාගෙන ඇති අතර, අවසානයේදී එහි බිල්පත ඩොලර් 7,000කට ආසන්න වී තිබෙනවා.
කෙසේ වෙතත්, බිල්පත ගෙවීම සම්බන්ධයෙන් යුවළ සහ අවන්හල් සේවකයන් අතර ගැටලුවක් ඇතිවී තිබෙන බව සඳහන්.
යුවළ මුදල් නොගෙවා අවන්හලෙන් පිටවීමට උත්සාහ කළ බවට අවන්හල් පාර්ශ්වය චෝදනා කර තිබෙනවා.
ඒ අනුව, අවන්හල් සේවකයන් විසින් දොරවල් වසා ඔවුන් පිටවීම වැළැක්වීමට උත්සාහ කර ඇති බව වාර්තා වනවා.
තත්ත්වය උණුසුම් වීමත් සමඟ අවසානයේ පොලිසියද එම ස්ථානයට කැඳවා තිබෙනවා.
සිද්ධිය සම්බන්ධයෙන් වැඩිදුර තොරතුරු සහ පොලිස් පරීක්ෂණ පිළිබඳව තවදුරටත් අවධානය යොමුව තිබෙනවා.
