ඔස්ට්රේලියාවේ අඩු ආදායම්ලාභී බැංකු ගනුදෙනුකරුවන්ට සහන සැලසීම සඳහා, ගාස්තු අය කරන ගිණුම්වල සිට ගාස්තු රහිත මූලික බැංකු ගිණුම් වෙත ඔවුන් මාරු කිරීමට බැංකුවලට නව කොන්දේසි හඳුන්වා දී තිබේ.
Australian Competition and Consumer Commission හෙවත් ACCC විසින් Australian Banking Association වෙත ලබාදුන් අනුමැතියට අනුව, සුදුසුකම් ලබන ගනුදෙනුකරුවන් හඳුනාගෙන ඔවුන් අඩු හෝ කිසිදු ගාස්තුවක් නොමැති ගිණුම් වෙත මාරු කිරීමට බැංකු පියවර ගත යුතුය.
මෙම තීරණය යටතේ Commonwealth Bank විසින් අඩු ආදායම්ලාභී ගනුදෙනුකරුවන්ට අයත් ගාස්තු සහිත ගිණුම් මිලියන 1.5ක් පමණ සිය Streamline Basic ගාස්තු රහිත ගිණුම වෙත මාරු කිරීමට සූදානම් වේ.
මෙවැනි මූලික ගිණුම් සඳහා මාසික account-keeping ගාස්තු නොමැති අතර, debit card භාවිතය, direct debit සේවා සහ ඔස්ට්රේලියාව තුළ අසීමිත ගනුදෙනු වැනි දෛනික බැංකු පහසුකම් නොමිලේ ලබාදෙනු ඇත.
සුදුසුකම් ලබන concession card හිමියන්ගෙන් ගිණුමේ ප්රමාණවත් මුදල් නොමැතිව ගෙවීමක් ප්රතික්ෂේප වූ අවස්ථාවල dishonour fees හෝ ගිණුම සීමාව ඉක්මවා ගිය විට overdraw fees අය නොකිරීමද මෙම ආරක්ෂණවලට ඇතුළත් වේ.
ගනුදෙනුකරුවන්ගේ අවසරයකින් තොරව ගිණුම ඍණ අගයකට යාමට බැංකුව ඉඩ ලබාදෙන informal overdraft පහසුකම් සම්බන්ධයෙන්ද දැඩි සීමා ක්රියාත්මක කිරීමට නියමිතය.
ACCC පවසන්නේ මෙම වෙනස්කම් හේතුවෙන් ජීවන වියදම් පීඩනයට මුහුණ දෙන අඩු ආදායම්ලාභී ඔස්ට්රේලියානුවන්ට අනවශ්ය බැංකු ගාස්තු අඩුකර වසරකට සැලකිය යුතු මුදලක් ඉතිරි කරගැනීමට අවස්ථාව ලැබෙනු ඇති බවයි.
