ඔස්ට්‍රේලියාවේ ජාත්‍යන්තර සිසුන් සඳහා ක්‍රියාත්මක දැඩි student visa නීති සංශෝධනය කිරීමට labor රජය පියවර ගනිමින් සිටින බවට සදහන් වී තිබෙනවා .

විශේෂයෙන් දකුණු ආසියානු රටවලින් පැමිණීමට අපේක්ෂා කරන සිසුන්ගේ මූල්‍ය සුදුසුකම් සහ visa අයදුම්පත් ඇගයීමේ ක්‍රමවේදය නැවත සමාලෝචනය කිරීමට රජය සූදානම් වන බවටයි වාර්තා වන්නේ .

2024 වසරේ හඳුන්වා දුන් දැඩි පරීක්ෂණ ක්‍රමවේදයෙන් පසු student visa ප්‍රතික්ෂේප කිරීම් ඉහළ ගොස් ඇති අතර, පසුගිය මූල්‍ය වර්ෂයේදී අයදුම්කරුවන්ගෙන් 24.2% කට වැඩි පිරිසකගේ visa ප්‍රතික්ෂේප වී තිබෙන බවටයි සදහන් .

එම කාලසීමාවේදී නේපාලයෙන් ඉදිරිපත් කළ student visa අයදුම්පත් අතරින් 51% කට වැඩි ප්‍රමාණයක් ද, ඉන්දියාවෙන් ඉදිරිපත් කළ අයදුම්පත් අතරින් 40%කට වැඩි ප්‍රමාණයක් ද ප්‍රතික්ෂේප වී ඇති බවටයි වැඩිදුරටත් සදහන් කරන්නේ .

මේ අතර, ඔස්ට්‍රේලියාවේ government universities වලට අලුතින් ඇතුළත් වන ජාත්‍යන්තර සිසුන් සංඛ්‍යාව මේ වසරේ 18% කින් පමණ පහත වැටෙනු ඇතැයි අපේක්ෂා කරන අතර, එමඟින් වසර තුනක් තුළ විශ්වවිද්‍යාල ආදායමට ඔස්ට්‍රේලියානු ඩොලර් බිලියන දෙකක පමණ බලපෑමක් ඇති විය හැකි බවයි විශ්ලේෂකයන් පවසන්නේ .

නව සංශෝධන යටතේ සිසුන්ගේ මූල්‍ය හැකියාව තහවුරු කිරීම සඳහා පැහැදිලි මාර්ගෝපදේශ හඳුන්වා දීම මෙන්ම, පාඨමාලා ගාස්තු සහ ජීවන වියදම් සඳහා අවශ්‍ය මුදල් තැන්පත් කිරීමේ ක්‍රමයක් ද සලකා බලමින් සිටින අතර, ඒ සම්බන්ධයෙන් විශ්වවිද්‍යාල සහ අධ්‍යාපන නියෝජිතයන් සමඟ නොවැම්බර් මාසයේදී සාකච්ඡා කිරීමට නියමිත බවටයි labor රජය පවසන්නේ .

කෙසේ වෙතත්, student visa ක්‍රමයේ අක්‍රමිකතා වැළැක්වීම සඳහා ක්‍රියාත්මක දැඩි ප්‍රතිපත්තිය අත්හැරීමට labor රජය සූදානම් නොමැති බවත්, අව්‍යාජ ජාත්‍යන්තර සිසුන්ට ඔස්ට්‍රේලියාවට පැමිණීමේ අවස්ථා අඩාල නොවන පරිදි නීති සංශෝධනය කිරීම මෙහි අරමුණ බවටයි වාර්තා වන්නේ .