New South Wales ප්‍රාන්තයේ වයඹදිග ප්‍රදේශයක සැහැල්ලු ගුවන් යානයක් කඩා වැටීමෙන් එහි නියමුවා ජීවිතක්ෂයට පත්ව තිබෙනවා.

Bourke නගරයට කිලෝමීටර් 190ක් පමණ වයඹ දෙසින් පිහිටි Wanaaring ගුවන් පථයේදී මෙම අනතුර සිදුව ඇති බවයි වාර්තා වන්නේ.

අද පස්වරුවේ අනතුර සම්බන්ධයෙන් ලැබුණු තොරතුරකට අනුව හදිසි සේවා කණ්ඩායම් එම ස්ථානයට පැමිණ තිබෙනවා.

අනතුරින් ජීවිතක්ෂයට පත්ව ඇත්තේ වයස අවුරුදු 60ක පමණ පුද්ගලයෙකු බවට විශ්වාස කෙරෙන අතර, ඔහු එම ස්ථානයේදීම මියගොස් තිබෙනවා.

පොලීසිය අනතුර සිදුවූ ස්ථානය ආරක්ෂිත ප්‍රදේශයක් ලෙස නම් කර ඇති අතර, විශේෂඥ නිලධාරීන් විසින් එහි පරීක්ෂණ සිදු කිරීමට නියමිතයි.

ඔස්ට්‍රේලියානු ප්‍රවාහන ආරක්ෂණ කාර්යාංශය (ATSB) ද අනතුරට හේතුව සොයා විමර්ශන ආරම්භ කර තිබෙනවා.

මේ අතර සිද්ධිය සම්බන්ධයෙන් මරණ පරීක්ෂකවරයා වෙත වාර්තාවක් ඉදිරිපත් කිරීමට ද නියමිතයි.