ඔස්ට්‍රේලියාවේ Victoria ප්‍රාන්ත මැතිවරණයට ඡන්දය ප්‍රකාශ කිරීමට සුදුසුකම් ඇති පුද්ගලයන්ට තම ඡන්දදායක ලියාපදිංචි තොරතුරු පරීක්ෂා කරන ලෙස දැනුම් දී තිබෙනවා.

ඒ අනුව, ලියාපදිංචි වීම හෝ දැනට ඇති තොරතුරු යාවත්කාලීන කිරීම සඳහා නොවැම්බර් 3 වනදා රාත්‍රී 8 දක්වා අවස්ථාව පවතිනවා.

මෙවර එම අවසන් දිනය යෙදී ඇත්තේ Melbourne Cup Day දිනයටයි.

මෑතකදී පදිංචිය වෙනස් කළ පුද්ගලයන් සහ පළමු වරට ඡන්දය ප්‍රකාශ කිරීමට බලාපොරොත්තු වන තරුණයන් තම ලියාපදිංචි තොරතුරු පරීක්ෂා කිරීම විශේෂයෙන් වැදගත් වනවා.

මෙවර ප්‍රාන්ත මැතිවරණයේදී කලින් ඡන්දය ප්‍රකාශ කිරීම නොවැම්බර් 18 වනදා ආරම්භ වී නොවැම්බර් 27 වනදා අවසන් වීමට නියමිතයි.

Victoria ප්‍රාන්ත මැතිවරණය නොවැම්බර් 28 වන සෙනසුරාදා පැවැත්වෙන අතර, ඡන්දය ප්‍රකාශ කිරීම සුදුසුකම් ඇති වයස අවුරුදු 18 සහ ඊට වැඩි ඕස්ට්‍රේලියානු පුරවැසියන්ට අනිවාර්ය වනවා.

ඡන්දදායකයන්ට තම ලියාපදිංචි තොරතුරු Victorian Electoral Commission නිල වෙබ් අඩවියෙන් පරීක්ෂා කරගත හැකියි.