Melbourne Market Authority හි නව සභාපතිවරයා ලෙස Paul Guerra පත් කිරීමත් සමඟ එහි අධ්‍යක්ෂ මණ්ඩල සාමාජිකයන් සියලුම දෙනා ඉල්ලා අස්වීමට තීරණය කර තිබෙනවා.

නව සභාපතිවරයා පත් කිරීම පිලිබඳ වික්ටෝරියා ප්‍රාන්ත රජයේ තීරණයට විරෝධය පළ කරමින් මෙලෙස එහි අධ්‍යක්ෂක මණ්ඩලය ඉල්ලා අස්වීමට තීරණය කළ බවයි පැවසෙන්නේ.

Melbourne Football Clubහි Melbourne Market Authority හි නව සභාපතිවරයා ලෙස Paul Guerra පත් කිරීමත් සමඟ එහි අධ්‍යක්ෂ මණ්ඩල සාමාජිකයන් ඉල්ලා අස්වීමට තීරණය කර තිබෙනවා.

Melbourne Football Clubහි හිටපු ප්‍රධාන විධායක නිලධාරී Paul Guerra, Victoria ප්‍රාන්ත රජය විසින් මෙම තනතුරට පත් කරනු ලැබුවා.

මීට පෙර වැඩබලන සභාපතිනිය ලෙස කටයුතු කළ Angie Bradbury ද මෙම තනතුර සඳහා අයදුම් කර තිබුණත්, ඇයට එම අවස්ථාව හිමිවී නැහැ.

ඒ අනුව Angie Bradbury ඇතුළු අධ්‍යක්ෂ මණ්ඩල සාමාජිකයන් කිහිපදෙනෙකු ඔක්තෝබර් 29 වැනිදා සිට ඉල්ලා අස්වීමට නියමිතයි.

මෙම ආයතනයේ වැඩබලන ප්‍රධාන විධායක නිලධාරී Keith Louie ද සිය ඉල්ලා අස්වීමේ නිවේදනය ලබාදී තිබෙනවා.

Epping ප්‍රදේශයේ පිහිටි Melbourne Market Authority යනු වික්ටෝරියා ප්‍රාන්තයේ පලතුරු, එළවළු සහ මල් තොග වශයෙන් බෙදාහරින ප්‍රධාන වෙළෙඳ ආයතනයක්.

මේ අතර, ඉදිරි ප්‍රාන්ත මැතිවරණයෙන් ජයගතහොත් Melbourne Market Authority ආයතනය පෞද්ගලික අංශයට විකිණීමට Coalition පක්ෂය යෝජනා කර ඇති අතර, Labor පක්ෂය එය රජය යටතේම පවත්වාගෙන යාමට සහාය පළ කර තිබෙනවා.

මෙම සියලු කරුණු සමග Melbourne Market Authority ආයතනය උග්‍ර පරිපාලන අර්බුධයකට මුහුණ දී ඇති බවයි වාර්තා වෙන්නේ.