තමා තරුණ වියේදී නීතිවිරෝධී මත්ද්‍රව්‍ය භාවිතා කළ බවට සහ මත්පැන් පානය කර රථ වාහන පදවා ඇති බවට වික්ටෝරියා ප්‍රාන්තයේ One Nation පක්ෂ නායක Warren Pickering, ප්‍රසිද්ධියේ පිළිගෙන තිබෙනවා.

Warren Pickeringගේ හිටපු සහකාරිය විසින් එල්ල කරන ලද බරපතල චෝදනා කිහිපයකට පිළිතුරු දෙමින් ඔහු අද පැවැති මාධ්‍ය හමුවකදී මෙම අතීත සිදුවීම් අනාවරණය කළා.

තමා වයස අවුරුදු 20 ගණන්වල පසුවූ තරුණයෙකු ලෙස Amphetamines, Ecstasy සහ Marijuana යන මත්ද්‍රව්‍ය භාවිතා කළ බවත්, මත්පැන් පානය කර රථ වාහන පැදවීම නිසා අවස්ථා කිහිපයකදී රියදුරු බලපත්‍රය පවා අත්හිටුවීමට ලක්වූ බවත් ඔහු මෙහිදී පැවසුවා.

කෙසේ වෙතත්, වයස අවුරුදු 28දී ඔස්ට්‍රේලියානු ආරක්ෂක හමුදාවට එක්වීමට පෙර තමා මත්ද්‍රව්‍ය භාවිතයෙන් සම්පූර්ණයෙන්ම ඉවත් වූ බවයි Pickering සඳහන් කළේ.

අතීතයේ සිදු වූ මෙම වැරදි පිළිබඳව කනගාටු වන බවත්, ඉන් පසුව තමන්ගේ ජීවිතය යහපත් මගකට යොමු කරගත් බවත් ඔහු වැඩිදුරටත් කියා සිටියා.

මේ අතර මෙම සිදුවීම සම්බන්ධයෙන් අදහස් දැක්වූ One Nation නායිකා Pauline Hanson පැවසුවේ මෙය ඔහුගේ පෞද්ගලික සහ පවුලේ අභ්‍යන්තර කරුණක් පමණක් බවයි.