ඔස්ට්‍රේලියාවේ පුරවැසිභාවය හෝ ස්ථිර පදිංචිය (PR) හිමි පුද්ගලයන්ට තම දෙමාපියන් ගෙන්වාගැනීම සඳහා Parent Visa කාණ්ඩ 6ක් පවතින අතර, ඒවායේ ගාස්තු සහ පොරොත්තු කාලයන් අතර විශාල වෙනස්කම් පවතිනවා.

ස්වදේශ කටයුතු දෙපාර්තමේන්තුවේ 2026 දත්ත අනුව, සාමාන්‍ය Parent Visa (Subclass 103 සහ 804) සඳහා ඇස්තමේන්තුගත පොරොත්තු කාලය වසර 42ක් වන අතර, වැඩි මුදලක් ගෙවන Contributory Parent Visa සඳහා එය වසර 18ක් පමණ වනවා.

මේ අතර, වයස අවුරුදු 67 හෝ ඊට වැඩි දෙමාපියන්ට අදාළ කොන්දේසි සපුරන්නේ නම් ඔස්ට්‍රේලියාවේ සිටම Aged Parent Visa සඳහා අයදුම් කිරීමට හැකියාව පවතින අතර, ඇතැම් අවස්ථාවලදී Bridging Visa ලබාගැනීමට ද අවස්ථාව හිමිවිය හැකියි.

කෙසේ වෙතත්, Parent Visa සඳහා අයදුම් කිරීමට Balance of Family Test සපුරාලීම අත්‍යවශ්‍ය වන අතර, සාමාන්‍යයෙන් දෙමාපියන්ගේ දරුවන්ගෙන් අවම වශයෙන් අඩක් ඔස්ට්‍රේලියාවේ සුදුසුකම් ලත් පදිංචිකරුවන් වීම හෝ වෙනත් එක් රටකට වඩා වැඩි සුදුසුකම් ලත් දරුවන් සංඛ්‍යාවක් ඔස්ට්‍රේලියාවේ සිටීම අවශ්‍ය වනවා.

මීට අමතරව සෞඛ්‍ය හා චරිත සුදුසුකම්, අනුග්‍රාහකයාගේ සුදුසුකම් සහ ඇතැම් වීසා සඳහා මූල්‍ය සහතිකයක් (Assurance of Support) ලබාදීම ද අනිවාර්ය විය හැකියි.

මෙම පොරොත්තු කාලයන් ඇස්තමේන්තු පමණක් වන අතර, එක් එක් අයදුම්පත අනුව වෙනස් විය හැකි බව ස්වදේශ කටයුතු දෙපාර්තමේන්තුව සඳහන් කරනවා.