තම දරුවන් සිව්දෙනාගේ මවක ලෙස පවුලේ වගකීම් ඉටු කරන අතරම, නිවාස අහිමිව අසරණ තත්ත්වයට පත්ව සිටින ජනතාවට සහන සැලසීම වෙනුවෙන් සතියකට රාත්‍රී හතරක් සහ තමන්ට ඉතිරි වන සෑම මුදලක්ම කැප කරන සුවිශේෂී කාන්තාවක් පිළිබඳව Melbourne නගරයෙන් වාර්තා වනවා.

Lena Tupua නම් ඇය, ආධාර එකතු කරමින් Melbourne නගරයේ නිවාස අහිමි ජනතාවට උපකාර කිරීම සඳහා සිය කාලය, ශ්‍රමය සහ පෞද්ගලික මුදල් වැය කරමින් සිටින බවයි වාර්තා වෙන්නේ.

ජීවන වියදම ඉහළ යාමත් සමඟ බොහෝ දෙනෙකුට තම දෛනික අවශ්‍යතා පවා සපුරා ගැනීම අභියෝගයක් වී ඇති පසුබිමක, ආහාර, ආරක්ෂිත නවාතැන් සහ මූලික අවශ්‍යතා සපුරා ගැනීමට නොහැකිව පීඩාවට පත්ව සිටින ජනතාව වෙනුවෙන් ඇය මෙලෙස කැපවීම විශේෂත්වයක්.

දරුවන් සිව්දෙනෙකු රැකබලා ගනිමින් පවුලේ වගකීම් ඉටු කිරීම පහසු කාර්යයක් නොවුණද, අසරණ ජනතාවට උපකාර කිරීම සඳහා සතියකට රාත්‍රී හතරක් වෙන් කිරීමට ඇය කටයුතු කරන බවයි සඳහන් වෙන්නේ.

තමන්ට ඉතිරි වන මුදල් පවා අන් අයගේ යහපත වෙනුවෙන් වැය කිරීමට ඇය දක්වන කැපවීම, මනුෂ්‍යත්වය සහ පරාර්ථකාමීත්වය පිළිබඳව සමාජයට වැදගත් පණිවිඩයක් ලබා දෙයි.

නිවාස අහිමිවීම අද ඔස්ට්‍රේලියාව ඇතුළු බොහෝ රටවල මුහුණ දීමට සිදුව ඇති බරපතළ සමාජ ගැටලුවක් වන අතර එවැනි පසුබිමක Lena Tupua වැනි පුද්ගලයන්ගේ කැපවීම තුළින් අසරණ ජනතාවට සහයෝගය දැක්වීමේ සහ ප්‍රජා එකමුතුවේ වැදගත්කම යළිත් අවධාරණය වනවා.

අන් අයට උපකාර කිරීම සඳහා විශාල ධනයක් හෝ සුවිශේෂී බලයක් තිබීම අත්‍යවශ්‍ය නොවන බව ඇයගේ කතාව මුළු ලොවටම උදාහරණයක් ද වනවා.

මනුෂ්‍යත්වය වෙනුවෙන් තම කාලයත්, ශ්‍රමයත්, පෞද්ගලික සම්පත්ත් කැප කරන මෙවැනි මිනිසුන්ගේ සේවය සැබවින්ම අගය කළ යුතු බවයි ඇය පිළිබඳව වාර්තා කරන ජාත්‍යන්තර මාධ්‍ය පවසන්නේ.