ඔස්ට්‍රේලියාවේ ශිෂ්‍ය වීසා නීතිවල සිදු කළ නව වෙනස්කම් අතරතුර, ඇතැම් සිසුන්ට විශේෂ නිදහස් කිරීම් හිමිවන බව ස්වදේශ කටයුතු දෙපාර්තමේන්තුව දැනුම් දෙනවා.

2026 ඔක්තෝබර් 2 සිට ක්‍රියාත්මක මෙම නීති මඟින් ඔස්ට්‍රේලියාව තුළ සිට ශිෂ්‍ය වීසා සඳහා අයදුම් කිරීම සහ පවුලේ සාමාජිකයන් වීසා අයදුම්පත්වලට ඇතුළත් කිරීම සීමා කර තිබෙනව.

නමුත් සියලුම සිසුන්ට මෙම සීමා එකම ආකාරයෙන් බලපාන්නේ නැහැ.

ආචාර්ය උපාධියක් හැදෑරීමට අයදුම් කරන සිසුන්ට ඔස්ට්‍රේලියාව තුළ සිට තවත් ශිෂ්‍ය වීසා සඳහා අයදුම් කිරීමේදී විශේෂ නිදහස් කිරීමක් හිමි විය හැකියි.

ප්‍රාථමික හෝ ද්විතීයික පාසල් අධ්‍යාපනය සඳහා අයදුම් කරන සිසුන් ද අදාළ නිදහස් කිරීම් යටතේ අයදුම් කළ හැකියි.

එකම අධ්‍යාපන ආයතනයේ පාඨමාලාව අවසන් කිරීමට තවත් මාස 12ක් දක්වා අවශ්‍ය වන සිසුන්ට විශේෂ අවස්ථාවක් ලබා දී තිබෙනවා.

එවැනි අවස්ථාවක බලපෑමට ලක් වූ සිසුන්ට ද නිදහස් කිරීමක් යටතේ අයදුම් කිරීමට හැකියාව තිබිය හැකි වනවා.

ආචාර්ය උපාධි සිසුන්, ඇතැම් පැසිෆික් සහ ආසියාන් රටවල පුරවැසියන්, පූර්ණ අරමුදල් සහිත විදේශීය රජයේ ශිෂ්‍යත්වලාභීන් සහ ඔස්ට්‍රේලියානු විදේශ කටයුතු හෝ ආරක්ෂක දෙපාර්තමේන්තු අනුග්‍රහය ලබන සිසුන්ට පවුලේ සාමාජිකයන් ඇතුළත් කිරීම සඳහා විශේෂ නිදහස් කිරීම් ලබාදීමද විශේෂත්වයක්.

කෙසේ වෙතත්, මෙම නිදහස් කිරීම් අදාළ වන්නේ නිශ්චිත කොන්දේසි සපුරන පුද්ගලයන්ට පමණයි.

පවුලේ සාමාජිකයන්ට අදාළ නිදහස් කිරීම් සහ ඔස්ට්‍රේලියාව තුළ සිට වීසා අයදුම් කිරීමේ නිදහස් කිරීම් ද එකිනෙකට වෙනස් වනවා.

දැනටමත් නිකුත් කර ඇති ශිෂ්‍ය වීසා මෙම වෙනස්කම් නිසා බලපෑමට ලක් නොවන අතර, අයදුම් කිරීමට පෙර තමන්ට අදාළ නීති නිල වෙබ් අඩවියෙන් තහවුරු කරගන්නා ලෙසයි බලධාරීන් උපදෙස් දෙන්නේ.