බ්‍රිතාන්‍යයේ RAF Fairford ගුවන් හමුදා කඳවුර අසල සිදුවූ සැකකටයුතු සිද්ධියෙන් පසු, ඇමෙරිකාව සමඟ සමීප හමුදා සබඳතා ඇති රටවල ආරක්ෂක අවදානම පිළිබඳ නව අවධානයක් යොමු වී තිබෙනවා.

RAF Fairford කඳවුර මැදපෙරදිග මෙහෙයුම් සඳහා ඇමෙරිකානු B-1 බෝම්බ ප්‍රහාරක යානා භාවිත කළ ස්ථානයක් වන අතර, එහි සැක සහිත කුමන්ත්‍රණයක් අනාවරණය වීමෙන් පුද්ගලයින් හය දෙනෙකු අත්අඩංගුවට ගෙන පසුව ඇප මත මුදාහැර තිබෙනවා.

බ්‍රිතාන්‍ය අගමැති Andy Burnham සිද්ධියට ඉරානය සම්බන්ධ වී ඇති බවට “ප්‍රබල සලකුණු” ඇති බව පවසා ඇති නමුත් ඉරානය එම චෝදනාව ප්‍රතික්ෂේප කර තිබෙනවා.

සිද්ධියෙන් පසු ඇමෙරිකාව RAF Fairfordහි සිය බෝම්බ හෙළන යානා සමූහය නැවත ඇමෙරිකාවට ගෙන ගොස් ඇති අතර, මෙවැනි තර්ජන මිත්‍ර රටවල ඇති අමරිකානු හමුදා ස්ථානවලට ද බලපෑ හැකිද යන්න පිළිබඳ ප්‍රශ්න මතුව තිබෙනවා.

ABC 7.30 සමඟ අදහස් දැක්වූ ඇතැම් ආරක්ෂක විශ්ලේෂකයන් පවසන්නේ, වෙනත් රටක භූමිය ඇමෙරිකානු හමුදා මෙහෙයුම් සඳහා භාවිත කිරීම එම රටට ප්‍රතිප්‍රහාර, ත්‍රස්ත තර්ජන හෝ වෙනත් “grey-zone” ක්‍රියාකාරකම්වල අවදානම වැඩි කළ හැකි බවයි.

ඔස්ට්‍රේලියාව AUKUS සහ ඇමෙරිකානු හමුදා සඳහා වැඩි කඳවුරු ප්‍රවේශයක් ලබාදීම හරහා ඇමරිකාව සමඟ සිය ආරක්ෂක සම්බන්ධතාව තවදුරටත් ගැඹුරු කරමින් සිටිනවා.

ඔස්ට්‍රේලියානු ආරක්ෂක පරිසර පද්ධතියෙන් අති බහුතරයක් අමෙරිකාවට විවෘත වී තිබීම සහ ස්වාධීනත්වය පිළිබඳ ගැටලු මතුවීම නිසා, අනාගතයේ මහා බලවතුන්ගේ ගැටුම්වලට ඔස්ට්‍රේලියාවට මැදි වීමට සිදුවනු ඇති බවටයි විශේෂඥයින් අනතුරු අඟවන්නේ.

කෙසේ වෙතත් ඔස්ට්‍රේලියානු ආරක්ෂක දෙපාර්තමේන්තුව පවසන්නේ ඇතිවිය හැකි තර්ජන සම්බන්ධයෙන් දැඩි ආරක්ෂක පියවර ක්‍රියාත්මක කර ඇති බවයි.