ඔස්ට්‍රේලියාවේ ඉදිරි සංක්‍රමණ ප්‍රතිපත්තිය සම්බන්ධයෙන් Labor, Coalition සහ One Nation පක්ෂ තුනේ සැලසුම් මේ වනවිට පැහැදිලි වෙමින් තිබෙනවා.

ප්‍රධාන වෙනස පෙනෙන්නේ රටට වසරකට ඇතුළුවන පුද්ගලයන් සහ පිටව යන පුද්ගලයන් අතර වෙනස වන Net Overseas Migration (NOM) කොපමණ දක්වා අඩු කළ යුතුද යන්න පිළිබඳවයි.

Labor රජයේ සැලැස්ම අනුව NOM 2026–27 මූල්‍ය වසරේ 245,000 දක්වාත්, 2027–28දී 225,000 දක්වාත් අඩු කිරීමට සැලසුම් කර තිබෙනවා.

Labor යටතේ 2026–27 Permanent Migration Program එක 185,000 ස්ථානවලම තබා ඇති අතර, එයින් වැඩි කොටස skilled migration සඳහා වෙන් කර තිබෙනවා.

Coalition සැලැස්ම ඊට වඩා දැඩි වන අතර, බලයට පැමිණියහොත් NOM පළමු වසර දෙකේම 100,000 දක්වා අඩු කිරීමටත්, පසුව තුන්වැනි වසරේ 130,000 සහ සිව්වැනි වසරේ 160,000 දක්වා වැඩි කිරීමටත් යෝජනා කර තිබෙනවා.

Temporary visa holders සංඛ්‍යාව වසර හතරකදී 650,000කින් අඩු කිරීමද මෙම සැලැස්මේ ප්‍රධාන අංගයක්.

One Nation මේ දෙපාර්ශ්වයටත් වඩා දැඩි සැලැස්මක් ඉදිරිපත් කරමින් Net Overseas Migration වසර තුනකට ශුන්‍යයට ගෙන ඒමට යෝජනා කර තිබෙනවා.

එම පක්ෂය visa grants දැඩි ලෙස සීමා කිරීම සහ Australia තුළ සිටින temporary visa population එක වේගයෙන් අඩු කිරීම වෙනුවෙන්ද පෙනී සිටිනවා.

ඒ අනුව සංක්ෂිප්තව බැලූ විට, Labor 225,000ක්, Coalition මුලින් 100,000ක්, සහ One Nation ශුන්‍ය NOM යන ඉලක්ක තුන අතර විශාල පරතරයක් තිබෙනවා.

Housing, infrastructure සහ public services මත ඇති පීඩනය අඩු කිරීම migration cuts සඳහා පොදු හේතුවක් ලෙස පක්ෂ කිහිපයක් ඉදිරිපත් කළත්, එවැනි කප්පාදු නිසා සේවක හිඟය සහ ආර්ථික වර්ධනයට බලපෑම් ඇතිවිය හැකි බව business groups අනතුරු අඟවනවා.