ඔස්ට්‍රේලියාවේ නිවාස ණය හිමියන්ට තවත් මූල්‍ය පීඩනයක් එල්ල කරමින්, එරට මහ බැංකුව වන Reserve Bank of Australia විසින් Cash Rate එක 0.25%කින් ඉහළ නංවා තිබෙනවා.

ඒ අනුව මෙතෙක් 4.60%ක්ව පැවති Cash Rate අනුපාතය 4.85% දක්වා ඉහළ ගොස් ඇති අතර, එය වසර 18කට පසු වාර්තා වූ ඉහළම අගයයි.

මෙම වසර තුළ පමණක් RBA ආයතනය පොලී අනුපාතය ඉහළ දැමූ පස්වැනි අවස්ථාව මෙය වනවා.

ඔස්ට්‍රේලියාවේ උද්ධමනය තවදුරටත් මහ බැංකුවේ ඉලක්කගත මට්ටම වන 2%ත් 3%ත් අතර පරාසයට වඩා ඉහළ මට්ටමක පැවතීම මෙම තීරණයට ප්‍රධාන හේතුවක් වී තිබෙනවා.

සැප්තැම්බර් මාසයෙන් අවසන් වූ මාස 12ක කාලය තුළ වාර්ෂික උද්ධමන අනුපාතය 4.3%ක් ලෙස වාර්තා වී තිබුණා.

මෙම පොලී අනුපාත ඉහළ දැමීමත් සමඟ ඩොලර් 600,000ක නිවාස ණයක් ලබාගෙන ඇති පුද්ගලයෙකුගේ මාසික ණය වාරිකය ඩොලර් 92කින් පමණ ඉහළ යා හැකි බවට ඇස්තමේන්තු කර තිබෙනවා.

ඒ අනුව ජීවන වියදම් සහ නිවාස ණය වාරික හමුවේ පීඩාවට පත්ව සිටින ඔස්ට්‍රේලියානු පවුල්වලට මෙම තීරණය තවදුරටත් බලපෑම් එල්ල කරනු ඇති.