ඔස්ට්‍රේලියානු සංචිත බැංකු (RBA) පොලී අනුපාතය ඉහළ දැමීමත් සමඟ ඔස්ට්‍රේලියාවේ බැංකු සිය ණය පොලී අනුපාත වෙනස් කිරීමට පියවර ගෙන තිබෙනවා.

ඒ අනුව Macquarie බැංකුව ද සිය පොලී අනුපාත ඔස්ට්‍රේලියානු සංචිත බැංකුව විසින් ඉහළ දැමූ අගයෙන්ම ඉහළ දැමීමට කටයුතු කර තිබෙන අතර එය එළඹෙන නොවැම්බර් 19 වැනිදා සිට ක්‍රියාත්මක වන බවයි සඳහන් වන්නේ.

RBA තීරණයෙන් පසුව නිවාස ණය පොලී අනුපාත ඉහළ දැමීම තහවුරු කළ පළමු ප්‍රධාන බැංකුව බවට ද Macquarie Bank පත්ව තිබෙනවා.

අද එනම් නොවැම්බර් 3 වනදා RBA විසින් නිල Cash Rate අනුපාතය සියයට 0.25කින් ඉහළ දමා ඇති අතර, ඒ අනුව නව අනුපාතය සියයට 4.85ක් දක්වා ඉහළ ගොස් තිබෙනවා.

මෙය 2026 වසරේදී සිදුකළ පස්වැනි පොලී අනුපාත ඉහළ දැමීම වන අතර, 2008 වසරෙන් පසු වාර්තා වූ ඉහළම අනුපාතය ද මෙය බවයි පැවසෙන්නේ.

මෙම තත්ත්වය හමුවේ නිවාස ණය ලබාගෙන ඇති පුද්ගලයන්ගේ මාසික ණය වාරික තවදුරටත් ඉහළ යා හැකි අතර, විශේෂයෙන්ම Variable Rate ණය හිමියන්ට වැඩි බලපෑමක් එල්ල වනු ඇතැයි අපේක්ෂා කෙරෙනවා.

කෙසේ වෙතත් ඔස්ට්‍රේලියාවේ ප්‍රධානතම බැංකු 4 වන CBA, WBC, NAB සහ ANZ බැංකු 4 නව පොලී අනුපාත ඉහල යාමට අනුව තම බැංකු වල පොලී අනුපාත පිළිබඳව අවසන් තීරණයක් තවමත් ගෙන නොමැති බවයි වාර්තා වෙන්නේ.