වික්ටෝරියා ප්රාන්තයේ මිල්ඩුරා ප්රදේශයේ සිදුවූ විදුලි සැපයුමේ දෝෂයක් හේතුවෙන් පවුල් රැසකට ඩොලර් දහස් ගණනක පාඩු සිදුව තිබෙනවා.
පසුගිය සැප්තැම්බර් මාසයේදී මෝටර් රථයක් විදුලි කණුවක ගැටීමෙන් ඇති වූ මෙම සිදුවීම හේතුවෙන් නිවාස රැසක විදුලි උපකරණවලට හානි සිදුවුණා.
වායු සමීකරණ යන්ත්ර, රෙදි සෝදන යන්ත්ර, පිඟන් සෝදන යන්ත්ර ඇතුළු අත්යවශ්ය උපකරණ රැසක් ඒ අතරට අයත්.
මෙම සිදුවීමෙන් එක් පවුලක පමණක් උපකරණ නැවත ලබාගැනීම සඳහා වැය වන මුදල ඩොලර් 15,000ක් පමණ වන බවට ඇස්තමේන්තු කර තිබෙනවා.
මේ අතර හානි වූ උපකරණ වෙනුවෙන් රක්ෂණ වන්දි ඉල්ලා සිටි ඇතැම් නිවැසියන්ගේ ඉල්ලීම් ප්රතික්ෂේප වී ඇති බවත් වාර්තා වනවා.
තවත් නිවැසියෙකුට ඩොලර් 20,000ක් වැය කර සවිකළ වායු සමීකරණ පද්ධතිය වෙනුවෙන් රක්ෂණ ආයතනයෙන් වන්දි නොලැබීම හේතුවෙන් ඩොලර් 12,000ක පමණ මුදලක් තමන්ට දැරීමට සිදුව තිබෙනවා.
රක්ෂණ වන්දි සම්බන්ධයෙන් ගැටලු ඇති පාරිභෝගිකයන්ට පළමුව රක්ෂණ ආයතනයෙන් නැවත සලකා බලන ලෙස ඉල්ලීමටත්, එයින්ද විසඳුමක් නොලැබුණහොත් Australian Financial Complaints Authority ආයතනය වෙත පැමිණිලි කිරීමටත් අවස්ථාව පවතිනවා.