ඔස්ට්රේලියාවේ ව්යාපාර, රාජ්ය ආයතන සහ පරිගණක පද්ධති ඉලක්ක කරගනිමින් සිදුවන Cyber Attacks පිළිබඳව බරපතළ අනතුරු ඇඟවීමක් නිකුත් කර තිබෙනවා.
Australian Signals Directorate (ASD) ආයතනය පවසන්නේ Computer Softwareවල පවතින ආරක්ෂක දුර්වලතා හැකර්වරුන් විසින් ඉතා වේගයෙන් ප්රයෝජනයට ගනිමින් සිටින බවයි.
ඇතැම් ආරක්ෂක දුර්වලතා සඳහා විසඳුම් නිකුත් කර පැය 48ක් ගතවීමටත් පෙර හැකර්වරුන් ඒවා ප්රයෝජනයට ගෙන සයිබර් ප්රහාර සිදුකර ඇති බව ද අනාවරණය වී තිබෙනවා.
විශේෂයෙන් Artificial Intelligence (AI) සහ ස්වයංක්රීය තාක්ෂණික මෙවලම් භාවිත කිරීම හේතුවෙන් හැකර්වරුන්ට පරිගණක පද්ධතිවල ආරක්ෂක දුර්වලතා සොයාගැනීම සහ ඒවාට ප්රහාර එල්ල කිරීම වඩාත් පහසු වී තිබෙනවා.
මෙම අනතුරු ඇඟවීම කුඩා හා මධ්ය පරිමාණ ව්යාපාර, විශාල සමාගම්, අත්යවශ්ය සේවා සපයන ආයතන සහ රාජ්ය ආයතන සඳහා විශේෂයෙන් නිකුත් කර තිබෙනවා.
එමෙන්ම සාමාන්ය ජනතාව ද තම ජංගම දුරකථන, පරිගණක සහ Apps නිරන්තරයෙන් Update කර තබාගැනීම වැදගත් බවයි සයිබර් ආරක්ෂක විශේෂඥයන් පෙන්වා දෙන්නේ.
Online ගිණුම් සඳහා ශක්තිමත් Password භාවිත කිරීම සහ Two-Factor Authentication ක්රියාත්මක කිරීම ද නිර්දේශ කර තිබෙනවා.
සයිබර් ප්රහාරයක් සිදුවන තෙක් බලා නොසිට ආරක්ෂක පියවර කඩිනමින් ක්රියාත්මක කරන ලෙස ද ඔස්ට්රේලියානු සයිබර් ආරක්ෂක මධ්යස්ථානය ජනතාවගෙන් සහ ආයතනවලින් ඉල්ලා සිටිනවා.