ෆේස්බුක් පරිශීලකයින් විසින් නිර්මාණය කර පවත්වාගෙන යනු ලබන අමතර පෞද්ගලික ගිණුම් රැසක් ඉවත් කිරීමට Meta සමාගම තීරණය කර තිබෙනවා.
ඒ අනුව, 2026 දෙසැම්බර් 14 වැනිදායින් පසුව අදාළ අමතර ගිණුම් සහ ඒවායේ අඩංගු සියලුම තොරතුරු ස්ථිරවම මකා දැමීමට නියමිත බවයි වාර්තා වන්නේ.
කෙසේ වෙතත්, 2026 දෙසැම්බර් 14 වැනිදා දක්වා පරිශීලකයින්ට තම අමතර ගිණුම්වල අඩංගු තොරතුරුවල පිටපතක් බාගත කර ගැනීමට අවස්ථාව ලබාදී තිබෙනවා.
ඒ සඳහා අදාළ අමතර ගිණුමට මාරු වී Settings & privacy වෙත පිවිස Settings තෝරාගත යුතුයි.
අනතුරුව Information and permissions යටතේ ඇති Export your information තෝරා Create export හරහා අවශ්ය තොරතුරු බාගත කරගත හැකියි.
එමෙන්ම, දැන්වීම් සම්බන්ධ තොරතුරු ඇතුළු ඇතැම් දත්ත ලබාගැනීම සඳහා ප්රධාන ෆේස්බුක් ගිණුමේ තොරතුරු වෙනම බාගත කිරීමට සිදුවන බව Meta උපකාරක පිටුවේ සඳහන් වනවා.
අදාළ තොරතුරු සූදානම් වීමට යම් කාලයක් ගත විය හැකි බැවින්, ගිණුම් මකා දැමීමට පෙර අවශ්ය තොරතුරු ලබාගැනීම සඳහා නියමිත කාලසීමාවට පෙර ඉල්ලුම් කරන ලෙසද සමාගම දැනුම් දී තිබෙනවා.
ව්යාජ අනන්යතා පවත්වාගෙන යාම සහ Facebook Community Standards මඟහැරීම සඳහා අමතර ගිණුම් භාවිත කිරීමේ ප්රවණතාව පාලනය කිරීම මෙම තීරණයට හේතුවක් විය හැකි බව සමාජ මාධ්ය විශ්ලේෂකයින් පෙන්වා දෙනවා.