ඔස්ට්රේලියානු ක්රිකට් කණ්ඩායමේ හිටපු ආරම්භක පිතිකරු David Warner බීමත්ව රිය පැදවීමේ සිද්ධියට අදාළව සිඩ්නිහි වේවර්ලි මහේස්ත්රාත් අධිකරණය (Waverley Local Court) හමුවේ අද වැරදිකරු බවට තීන්දු කෙරුණා.
අධිකරණය විසින් ඔහුට ඩොලර් 1,500ක දඩයක් නියම කළ අතර, ඔහුගේ වාහනයට මධ්යසාර හඳුනාගැනීමේ විශේෂ ‘Interlock’ උපකරණයක් සවිකරන ලෙස ද නියෝග කර සිටියා.
පසුගිය පාස්කු ඉරිදා දිනයේ සිදු වූ මෙම සිදුවීමේදී, වෝනර් පැදවූ රථය පොලිස් මාර්ග බාධකයක් දෙසට ධාවනය වෙද්දී, ඔහු තම අසුන මගී අසුනේ සිටි කාන්තාව සමග මාරු කිරීමට උත්සාහ කර ඇති බව අධිකරණයේදී අනාවරණය වුණා.
පසුව සිදුකළ පරීක්ෂණයේදී හෙළිවී ඇත්තේ නීතිමය සීමාවට වඩා දෙගුණයකටත් වැඩි මධ්යසාර ප්රමාණයක් ඔහුගේ සිරුරේ තිබූ බවයි.
කෙසේ වෙතත්, වෝනර්ගේ නීතිඥවරයා අධිකරණය හමුවේ කරුණු දක්වමින් කියා සිටියේ, මෙම සිදුවීම හේතුවෙන් මාධ්ය තුළ දැඩි විවේචනයක් එල්ල වූ බවයි.
විශේෂයෙන්ම ඉන්දියාව සහ බංග්ලාදේශය වැනි මධ්යසාර භාවිතය අඩු සංස්කෘතියක් සහිත රටවල ක්රීඩා කිරීමට තිබූ විදෙස් 20-20 ලීග් වාණිජ අවස්ථා රැසක් මෙමගින් අහිමි වූ බවත්, ඔහු දැනටමත් දැඩි පීඩාවකට පත්ව ඇති බවත් නීතිඥවරයා තර්ක කළා.
එහෙත් විනිසුරු Clare Farnan ප්රකාශ කර සිටියේ, රිය පැදවීමේදී දරුවන්ද රථය තුළ සිටීම බරපතල තත්වයක් වන අතර බීමත්ව රථ ධාවනය වැළැක්වීමේ සමාජ පණිවුඩය උදෙසා මෙම දඬුවම අත්යවශ්ය බවයි.
