වික්ටෝරියා ප්රාන්ත රජය යෝජනා කර තිබූ Work From Home නීති ක්රියාත්මක කිරීම 2026 සැප්තැම්බර් 1 සිට 2027 ජූලි 1 දක්වා කල් දැමීමට Premier Ben Carroll තීරණය කර තිබෙනවා.
මෙම යෝජිත නීති යටතේ තම රැකියාව නිවසේ සිට සාධාරණ ලෙස කළ හැකි සේවකයන්ට සතියකට දින දෙකක් දක්වා නිවසේ සිට වැඩ කිරීමේ අයිතිය ලබාදීමට සැලසුම් කර තිබුණා.
කෙසේ වෙතත් ව්යාපාරික ප්රජාව සමඟ තවදුරටත් සාකච්ඡා කර නීතිය වඩාත් සමබර ආකාරයකින් සකස් කිරීම සඳහා මෙම ක්රියාත්මක කිරීම කල් දැමූ බව Premier Ben Carroll පවසනවා.
විශේෂයෙන්ම Business Council of Australia ඇතුළු ව්යාපාරික කණ්ඩායම් මෙම යෝජනාවට විරෝධය පළ කරමින්, දැනටමත් සේවකයන්ට සහ සේවායෝජකයන්ට නම්යශීලී වැඩ ක්රම පිළිබඳ එකඟ වීමට හැකියාව තිබෙන බව පෙන්වා දී තිබෙනවා.
කෙසේ වෙතත් රජය පවසන්නේ සේවකයන්ට නම්යශීලීව වැඩ කිරීමේ අවස්ථාව ලබාදීම පවුල් ජීවිතයට මෙන්ම ඵලදායීතාවටද වැදගත් වන අතර, ව්යාපාරික අංශය සමඟ සාකච්ඡා කර නීතියේ අවශ්ය සංශෝධන සිදුකරන බවයි.
ඒ අනුව මෙම නීති පිළිබඳ අවසන් තීරණයට පෙර සේවකයන්, පවුල් සහ ව්යාපාරික අංශය අතර සමබරතාවයක් ඇති කිරීම සඳහා තවදුරටත් සාකච්ඡා පැවැත්වීමට Victorian රජය සූදානම් වනවා.
නව සැලැස්මට අනුව Work From Home නීති 2027 ජූලි 1 වනදා සිට ක්රියාත්මක කිරීමට නියමිත අතර, එමගින් වික්ටෝරියානු සේවකයන්ගේ නම්යශීලී වැඩ අයිතිවාසිකම් පිළිබඳ ඉදිරි මාස කිහිපය තුළ තවදුරටත් සාකච්ඡා කරනු ඇති.
