Qantas සමාගමේ ඔස්ට්රේලියානු රැකියා සිය ගණනක් විදේශයකට මාරු කිරීමේ හැකියාව සම්බන්ධයෙන් සේවකයන් සහ වෘත්තීය සමිති අතර දැඩි කනස්සල්ලක් මතුව තිබෙනවා.
වාර්තා අනුව, Qantas සමාගම finance, marketing, human resources සහ කාර්යාල පසුබිම් සේවා කිහිපයක් ඉන්දියාවට පැවරීම සම්බන්ධයෙන් Accenture උපදේශන සමාගම සමඟ මූලික සාකච්ඡා පවත්වමින් සිටිනවා.
මෙම වැඩපිළිවෙළ “Project iQ” ලෙස හඳුන්වන බවත්, Qantas සමාගමේ තාක්ෂණික කටයුතු සහ AI භාවිතය වේගවත් කර මෙහෙයුම් නවීකරණය කිරීම එහි අරමුණ බවත් වාර්තා වෙනවා.
කෙසේවෙතත්, Qantas සමාගම පවසන්නේ Accenture සමඟ පවතින්නේ මූලික සාකච්ඡා පමණක් බවත්, නිල ගිවිසුමක් හෝ ඔස්ට්රේලියානු රැකියා විදේශයට මාරු කිරීමේ අවසන් තීරණයක් තවම ගෙන නොමැති බවත්යි.
රැකියා සිය ගණනක් අවදානමට ලක්විය හැකි බව වාර්තා වුවද, රැකියා 1,000ක් අනිවාර්යයෙන් ඉවත් කරන බව නිල වශයෙන් තහවුරු කර නැහැ.
Australian Services Union පවසන්නේ Qantas සමාගම ඔස්ට්රේලියානු රැකියා විදේශයට මාරු නොකරන බවට සේවකයන්ට ලබාදුන් සහතිකය රැකිය යුතු බවයි.
මේ අතර Qantas සමාගම පවසන්නේ පසුගිය වසර කිහිපය තුළ ගුවන් නියමුවන්, ගුවන් සේවකයන් සහ ඉංජිනේරුවන් ඇතුළු ඔස්ට්රේලියානු සේවකයන් දහස් ගණනක් බඳවාගෙන ඇති බවයි.
Adelaideහි විවෘත කිරීමට නියමිත නව තාක්ෂණ මධ්යස්ථානයෙන්ද රැකියා 400කට වැඩි සංඛ්යාවක් නිර්මාණය වන බව සමාගම සඳහන් කර තිබෙනවා.
