ඔස්ට්රේලියාවේ ඉතිරිව සිටින මුහුදු සිංහයන් 12,000කට පමණ දරුණු Bird Flu වෛරසයෙන් විශාල තර්ජනයක් එල්ල වී තිබෙනවා.
දකුණු ඔස්ට්රේලියාවේ මියගිය දිගු නාසයක් සහිත මුහුදු ලොම් සීල් සත්වයකුගෙන් H5N1 වෛරසය හඳුනාගෙන තිබෙන අතර, මෙය ඔස්ට්රේලියාවේ ක්ෂීරපායී සතෙකුගෙන් හමුවූ පළමු තහවුරු කළ ආසාදනයයි.
ඒ සමඟම තවත් සීල් සත්වයකුටද මෙම වෛරසය වැළඳී ඇති බවට සැකයක් මතුව තිබෙනවා.
විශේෂඥයන් පවසන්නේ මුහුදු සිංහයන් විශාල කණ්ඩායම් ලෙස ජීවත් වන නිසා වෛරසය පැතිරුණහොත් වේගයෙන් විශාල සංඛ්යාවක් මියයාමේ අවදානමක් ඇති බවයි.
දැනට ඔස්ට්රේලියාවේ මුහුදු සිංහයන් අතර H5N1 ආසාදනය තහවුරු වී නැතත්, ඔවුන්ගේ ප්රධාන බෝවන ප්රදේශවලින් කුරුල්ලන් විශාල සංඛ්යාවක් මියගොස් තිබෙනවා.
දකුණු ඇමරිකාවේ මෙම වෛරසය හේතුවෙන් මුහුදු ක්ෂීරපායී සතුන් විශාල සංඛ්යාවක් මියගොස් ඇති බැවින්, ඔස්ට්රේලියානු මුහුදු සිංහයන්ටද දැඩි බලපෑමක් ඇතිවිය හැකි බව විද්යාඥයන් අනතුරු අඟවනවා.
මේ වනවිට මුහුදු ක්ෂීරපායී සතුන් සඳහා අනුමත Bird Flu එන්නතක් නොමැති අතර, අවදානමට ලක්ව ඇති සතුන් ආරක්ෂා කිරීම සඳහා එන්නත් ක්රම පිළිබඳව බලධාරීන් සලකා බලමින් සිටිනවා.
