ඔස්ට්රේලියාව තුළ ජීවන වියදම් පීඩනය දිගටම ඉහළ මට්ටමක පවතින අතර, ජනතාව තම මුදල් වියදම් කරන ආකාරයත් සැලකිය යුතු ලෙස වෙනස් වෙමින් පවතිනවා.
නව ව්යාපාරික දත්ත අනුව පෙනීයන්නේ බොහෝ ඔස්ට්රේලියානුවන් ගෘහ භාණ්ඩ, විදුලි උපකරණ සහ මිල අධික අනවශ්ය භාණ්ඩ මිලදී ගැනීම අඩු කරමින් සිටින බවයි.
ඒ වෙනුවට ආහාර, නිවාස, විදුලි බිල්, ඉන්ධන සහ වෙනත් දෛනික අවශ්යතා සඳහා වැඩි මුදලක් වෙන් කිරීමට පවුල්වලට සිදුවී තිබෙනවා.
විශේෂයෙන් ගෘහ අයවැය මත ඇති පීඩනය වැඩිවීම නිසා, විශාල මිලදී ගැනීම් කල් දැමීම සහ අත්යවශ්ය දේවල් සඳහා පමණක් වියදම් කිරීම වැඩිවී ඇති බව වාර්තාවේ සඳහන්.
මේ අතර බැංකු කිහිපයකම ණය වාරික ප්රමාද වන ගනුදෙනුකරුවන්ගේ සංඛ්යාව සහ වැඩි අවදානම් සහිත ණය ඉහළ යමින් ඇති බවද නව දත්තවලින් පෙන්නුම් කරනවා.
ආර්ථික විශ්ලේෂකයන් පවසන්නේ මේ තත්ත්වය ජීවන වියදම්, පොලී අනුපාත සහ නිවාස ණය ගෙවීම් නිසා පවුල්වල මුදල් හැසිරවීම දැඩි පීඩනයකට ලක්ව ඇති බව පෙන්වන සලකුණක් බවයි.
