One Nation නායිකා Pauline Hanson, ඔස්ට්රේලියාවේ Superannuation ක්රමය අවසන් කළ යුතු බවට යෝජනා කර තිබෙනවා.
ඇය පවසන්නේ Super ලෙස ඉතිරිවන මුදල් ජනතාවගේම මුදල් බැවින්, ඒවා භාවිත කරන ආකාරය තීරණය කිරීමට ඔවුන්ට වැඩි නිදහසක් තිබිය යුතු බවයි.
විශේෂයෙන් නිවසක් මිලදී ගැනීම, හදිසි වෛද්ය වියදම් සහ දැඩි මූල්ය අපහසුතා සඳහා Super මුදල් ලබාගැනීමට ඉඩ දිය යුතු බව ඇය කියාසිටියා.
දැනට සේවායෝජකයන් සේවක වැටුපට අමතරව සියයට 12ක Super දායකත්වයක් ගෙවීම අනිවාර්යයි.
Hanson පවසන්නේ පවතින ක්රමය බොහෝ ජනතාවගේ වර්තමාන ජීවන වියදම් අර්බුදයට ප්රමාණවත් විසඳුමක් නොදෙන බවයි.
කෙසේ වෙතත් භාණ්ඩාගාර අමාත්ය Jim Chalmers ඇගේ යෝජනාව ප්රතික්ෂේප කරමින්, එවැනි වෙනස්කම් විශ්රාමික ආදායම් ක්රමය දුර්වල කළ හැකි බවට අනතුරු අඟවා තිබෙනවා.
මේ යෝජනාව ඉදිරියේදී ඔස්ට්රේලියාවේ Superannuation ක්රමය පිළිබඳ නව දේශපාලන විවාදයක් ඇති කළ හැකි බවටයි දේශපාලන විශ්ලේෂකයින් පවසන්නේ.
