ඔස්ට්රේලියාවේ Permanent Residents සඳහා බලපාන Resident Return Visa හෙවත් RRV ගාස්තුව විශාල ලෙස ඉහළ දැමීම ආපසු හරවන ලෙස ඔස්ට්රේලියානු පාර්ලිමේන්තුවට පෙත්සමක් ඉදිරිපත් කර තිබෙනවා.
මෙම පෙත්සම මගින් ඉල්ලා ඇත්තේ Subclass 155 සහ Subclass 157 Resident Return Visa සඳහා අය කරන ගාස්තුවේ සිදුවූ සියයට 200කට වැඩි වැඩිවීම නැවත සලකා බලන ලෙසයි.
2026 ජූලි 1 වැනිදා සිට ක්රියාත්මක වූ නව ගාස්තුව යටතේ, බොහෝ අයදුම්කරුවන් සඳහා RRV ගාස්තුව ඩොලර් 490–495ක පමණ සිට ඩොලර් 1,475 දක්වා ඉහළ ගොස් තිබෙනවා. එය ආසන්න වශයෙන් සියයට 201ක වැඩිවීමක්.
RRV එක යනු, තම මුල් වීසා බලපත්රයට අදාළ travel facility කාලය අවසන් වූ පසුත් සුදුසුකම් ලබන Permanent Residentsට Permanent Resident තත්ත්වයෙන් නැවත ඔස්ට්රේලියාවට පැමිණීමට ඉඩ ලබාදෙන වීසා බලපත්රයක්.
පෙත්සම්කරුවන් පවසන්නේ විදේශගතව සිටින පවුලේ සාමාජිකයන් බැලීමට යාම, වයස්ගත දෙමාපියන් රැකබලා ගැනීම, හදිසි පවුල් අවස්ථා සහ ජාත්යන්තර රැකියා කටයුතු වැනි හේතු නිසා Permanent Residentsට RRV අවශ්ය විය හැකි බවයි.
නව ගාස්තුව අසාධාරණ ලෙස ඉහළ දමා ඇති බව පවසන පෙත්සම, ගාස්තුව තීරණය කිරීමට භාවිත කළ processing costs, financial modelling සහ රජයට ලැබීමට අපේක්ෂිත ආදායම පිළිබඳ තොරතුරු ප්රසිද්ධ කරන ලෙසද ඉල්ලා තිබෙනවා.
එමෙන්ම Subclass 155 සහ 157 වීසා ගාස්තු සම්බන්ධයෙන් ස්වාධීන සමාලෝචනයක් සිදුකරන ලෙසත්, අනාගතයේදී මෙවැනි විශාල ගාස්තු වෙනස්කම් සිදුකිරීමට පෙර Permanent Residents සහ migrant communities සමඟ වැඩි සාකච්ඡාවක් පවත්වන ලෙසත් ඉල්ලා තිබෙනවා.
මෙම පෙත්සම 2026 සැප්තැම්බර් 2 වැනිදා රාත්රී 11.59ට අවසන් වීමට නියමිත අතර, දැනට අත්සන් 8,000කට වැඩි ප්රමාණයක් ලැබී තිබෙනවා.
කෙසේ වෙතත්, මෙම ගාස්තු වැඩිවීම රජය ආරක්ෂා කරමින් පවසන්නේ වීසා ගාස්තුවලින් ලැබෙන අමතර ආදායම migration system reforms සහ අනෙකුත් රජයේ ප්රමුඛතා සඳහා යොදාගන්නා බවයි.
මේ අතර, සුදුසුකම් ලබන Permanent Residentsට අනාගතයේ RRV අවශ්යතාවයෙන් මිදීමට Australian Citizenship ලබාගැනීම විකල්පයක් ලෙස රජය පෙන්වා දී තිබෙනවා.
ඒ අනුව, RRV ගාස්තුවේ දැවැන්ත වැඩිවීම Permanent Residents සහ migrant families අතර දැඩි අවධානයට ලක්ව ඇති අතර, පෙත්සම හරහා එම ගාස්තුව නැවත සලකා බලන ලෙස රජයට බලපෑම් එල්ල වෙමින් පවතිනවා.
