මෙල්බන්හි ආරක්ෂක උපකරණ නිෂ්පාදන සමාගමකට පසුගිය වසරේ එල්ල වූ ගිනි තැබීමේ ප්රහාරයක්, ත්රස්ත ක්රියාවක් ලෙස සලකා විමර්ශනය කිරීමට පොලීසිය පියවර ගෙන තිබෙනවා.
Greensborough ප්රදේශයේ පිහිටි Lovitt Technologies සමාගමට මෙම ප්රහාරය එල්ල වී ඇත්තේ පසුගිය වසරේ ජූලි 5 වැනිදායි.
Victoria Joint Counter Terrorism Team විසින් නිකුත් කළ නව දර්ශනවල, මුහුණු ආවරණය කරගත් පුද්ගලයින් පිරිසක් සමාගමේ දේපළවලට හානි කරමින් වාහන කිහිපයකට ගිනි තබන ආකාරය දැක්වෙනවා.
ඔවුන් ‘Death to Australia’යනුවෙන් ප්රකාශ කරන වීඩියෝ දර්ශන ද පොලිසිය විසින් මේ වන විට ප්රසිද්ධ කර තිබෙනවා.
ප්රහාරයෙන් අනතුරුව අන්තර්ජාලයට වීඩියෝවක් මුදාහරිමින් ඔවුන් පවසා ඇත්තේ, ආරක්ෂක අංශ සඳහා ආයුධ කොටස් නිෂ්පාදනය කිරීම වහාම නතර කළ යුතු බවයි.
එසේ නොමැති නම් දරුණු ප්රතිවිපාකවලට මුහුණ දීමට සිදුවන බවට ද ඔවුන් තර්ජනය කර සිටිනවා.
Lovitt Technologies සමාගම Australian Defence Force සැපයුම් ජාලයේ කොටසක් බවට විශ්වාස කරමින් මෙම ප්රහාරය එල්ල කර ඇති බවටයි පොලීසිය සැක කරන්නේ.
ප්රහාරයට සම්බන්ධ පුද්ගලයින් අන්ත වාමාංශික, anarchist හෝ විප්ලවවාදී අදහස්වලින් පෙලඹුණු පිරිසක්ද යන්න පිළිබඳව ද විමර්ශන ක්රියාත්මකයි.
ප්රහාරයෙන් පසු සැකකරුවන් E-bikes මගින් පලාගොස් ඇති අතර, සිද්ධිය සම්බන්ධයෙන් තොරතුරු හෝ දර්ශන ඇත්නම් ලබාදෙන ලෙස පොලිසිය මහජනතාවගෙන් ඉල්ලා සිටිනවා.
මේ අතර මෙම අපරාධයට වැරදිකරුවන් වන පිරිසට ජීවිතාන්තය දක්වා සිරදඬුවම් හිමිවිය හැකි බවයි ෆෙඩරල් පොලිසිය අවධාරණය කරන්නේ.
