වික්ටෝරියාවේ හිටපු Premier Jacinta Allanගේ නායකත්ව වෙනසෙන් පසු පැවැත්වූ පළමු ජනමත සමීක්ෂණයේදී Coalition පක්ෂය Labor පක්ෂයට වඩා ඉදිරියෙන් සිටින බව වාර්තා වනවා.
මෙම සමීක්ෂණ ප්රතිඵලය අනුව Two-party preferred මනාපවලදී Coalition පක්ෂයට ඉදිරියක් හිමිව ඇති අතර, එය ඉදිරි ප්රාන්ත මැතිවරණයට පෙර Victoria දේශපාලනයේ වැදගත් සංඥාවක් ලෙසටයි සැලකෙන්නේ.
හිටපු Premier Jacinta Allan ඉවත් වී Ben Carroll නව නායකයා ලෙස පත්වීමෙන් පසු Labor රජය ජනතා විශ්වාසය නැවත ගොඩනගා ගැනීමට උත්සාහ කරමින් සිටිනවා.
නව අගමැතිවරයාගේ Cabinet reshuffle සහ රජයේ නව ප්රතිපත්ති හඳුන්වාදීමෙන් පසු ජනතාවගේ ප්රතිචාරය මෙම සමීක්ෂණය හරහා දැකගත හැකි බව දේශපාලන විශ්ලේෂකයන් පවසනවා.
කෙසේ වෙතත්, මැතිවරණය පැවැත්වීමට තව කාලයක් තිබෙන බැවින් ජනමත තත්ත්වය ඉදිරියේදී වෙනස් විය හැකි බවද විශේෂඥයන් පෙන්වා දෙනවා.
වික්ටෝරියාවේ ජීවන වියදම, නිවාස ගැටලුව, අපරාධ සහ රාජ්ය සේවා වැනි කරුණු ඉදිරි මැතිවරණයේදී ජනතාවගේ ප්රධාන අවධානයට ලක්වනු ඇති බව සඳහන්.
කෙසේවෙතත් මෙම නව ජනමත සමීක්ෂණයත් සමඟ වික්ටෝරියා දේශපාලන තරගය තවදුරටත් උණුසුම් වී ඇති අතර, Labor සහ Coalition දෙපාර්ශවයම ජනතා සහය ලබාගැනීම සඳහා සිය අවධානය වැඩි කර තිබෙනවා.
