වික්ටෝරියාවේ රජයේ රෝහල්වල සේවය කරන වෛද්යවරුන් වසර 20කට පසු පළමු වරට ආරක්ෂිත කාර්මික ක්රියාමාර්ගයක් ලෙස වර්ජනයක් ආරම්භ කිරීමට තීරණය කර තිබෙනවා.
මෙම වර්ජනය අගෝස්තු 13 වනදා පස්වරු 12.30 සිට පස්වරු 4.00 දක්වා පැවැත්වෙන අතර, එයට මෙල්බන්හි Royal Melbourne, Royal Children’s, Royal Women’s ඇතුළු ප්රධාන රෝහල් රැසක වෛද්යවරුන් එක්වීමට නියමිත බව සඳහන්.
වෛද්යවරුන් පවසන්නේ වැටුප් වැඩි කිරීම, සේවා කොන්දේසි වැඩිදියුණු කිරීම, අධික වැඩ බර අවම කිරීම සහ නොගෙවන අතිකාල සේවාවලට සාධාරණ විසඳුම් ලබාදෙන ලෙස ඉල්ලා මාස ගණනාවක් තිස්සේ සාකච්ඡා පැවැත්වුවද මෙතෙක් එකඟතාවකට පැමිණීමට නොහැකි වූ බවයි.
මෙම කාර්මික ක්රියාමාර්ගය හේතුවෙන් හදිසි නොවන බාහිර රෝගී සායන, සැලසුම් කළ සැත්කම් සහ වෛද්ය හමුවීම් කිහිපයක් කල් දැමීමට හෝ නැවත කාලසටහන්ගත කිරීමට සිදුවිය හැකි බවටයි රෝහල් බලධාරීන් දැනුම් දී ඇත්තේ.
කෙසේ වෙතත් හදිසි ප්රතිකාර අංශ, දැඩි සත්කාර ඒකක සහ ජීවිතාරක්ෂක සේවාවන් කිසිදු බාධාවකින් තොරව සාමාන්ය පරිදි ක්රියාත්මක වන බවත් එම අංශවල වෛද්යවරු වර්ජනයට එක් නොවන බවත් තහවුරු කර තිබෙනවා.
වික්ටෝරියා රජය සඳහන් කරන්නේ වෛද්යවරුන්ගේ නියෝජිතයන් සමඟ සාකච්ඡා අඛණ්ඩව සිදුකරමින් පවතින අතර රෝගීන්ට ඇතිවන අපහසුතා අවම කිරීම සඳහා රෝහල් සමඟ එක්ව විශේෂ වැඩපිළිවෙළක් ක්රියාත්මක කර ඇති බවයි.
කෙසේවෙතත් වෛද්ය සංගම් පෙන්වා දෙන්නේ ප්රමාණවත් වෛද්ය කාර්ය මණ්ඩලයක් පවත්වාගෙන යාම සහ රෝගීන්ට වඩාත් ආරක්ෂිත සෞඛ්ය සේවාවක් ලබාදීම සඳහා මෙම ඉල්ලීම්වලට කඩිනමින් විසඳුම් ලබාදීම අත්යවශ්ය බවයි.
