නවසීලන්තයේ සාප්පු සවාරිය තවත් නව තාක්ෂණික යුගයකට රැගෙන යමින්, මුහුණ හෝ අත්ල පමණක් භාවිතා කර ගෙවීම් කළ හැකි නව EFTPOS පද්ධතියක් හඳුන්වා දී තිබේ. මෙම නව පද්ධතිය Verifone Victa නමින් හඳුන්වා දී ඇති අතර, අනාගතයේදී බැංකු කාඩ්පත් හෝ ජංගම දුරකථන රැගෙන යාමකින් තොරව ගෙවීම් කිරීමේ හැකියාව ලබාදීමට සැලසුම් කර ඇත.
මෙම උපාංගය මගින් ගනුදෙනුකරුවන්ගේ මුහුණ හෝ අත්ල හඳුනාගෙන ගෙවීම් සිදු කිරීම පමණක් නොව, වයස හඳුනාගැනීම, අනන්යතාව තහවුරු කිරීම සහ පාරිභෝගික ලෝයල්ටි වැඩසටහන් ස්වයංක්රීයව සම්බන්ධ කිරීමද සිදු කළ හැකිය.
කෙසේ වෙතත්, මෙම තාක්ෂණය සඳහා අවශ්ය සම්පූර්ණ ගෙවීම් යටිතල පහසුකම් නවසීලන්තයේ තවමත් සකස් කර නොමැති බව EFTPOS New Zealand පවසයි. එහෙත්, අනාගතයේදී මෙම පහසුකම ක්රියාත්මක කළ හැකි වන පරිදි නව උපාංග මේ වන විටත් සූදානම් කර ඇති බව සමාගම සඳහන් කරයි.
මෙම තාක්ෂණය හඳුන්වාදීමත් සමඟ පෞද්ගලිකත්වය සහ ජෛව දත්ත ආරක්ෂාව පිළිබඳ ප්රශ්නද මතුවී ඇත. ඒ පිළිබඳ අදහස් දක්වමින් EFTPOS New Zealand පවසන්නේ, පරිශීලකයන්ගේ මුහුණු හෝ අත්ල සම්බන්ධ ජෛව දත්ත ගෙවීම් යන්ත්ර තුළ ගබඩා නොවන බවත්, ඒවා අදාළ ඩිජිටල් සේවා සපයන්නන්ගේ ආරක්ෂිත පද්ධති තුළ පවතින පෞද්ගලිකත්ව නීති යටතේ ආරක්ෂා වන බවත්ය.
සිල්ලර වෙළඳ ක්ෂේත්රයේ විශේෂඥයන් පෙන්වා දෙන්නේ මෙම තාක්ෂණය මගින් ගෙවීම් වඩාත් වේගවත් වන අතර, මත්පැන් සහ දුම්කොළ වැනි නිෂ්පාදන මිලදී ගැනීමේදී වයස හඳුනාගැනීමද පහසු වන බවයි. කෙසේ වෙතත්, මෙම පද්ධතිය භාවිතා කිරීම සම්බන්ධයෙන් අවසාන තීරණය එක් එක් වෙළඳ ආයතන විසින් ගනු ලබන අතර, එය ක්රමයෙන් නවසීලන්තය පුරා ව්යාප්ත වනු ඇතැයි අපේක්ෂා කෙරේ.
