හෝමුස් සමුද්ර සන්ධිය හරහා ගමන් කළ නෞකා තුනකට පසුගිය දින කිහිපයේදී ප්රහාර එල්ලවී ඇති අතර, එම සිදුවීම් සමඟ ලෝක වෙළෙඳපොළේ තෙල් මිල සති තුනක ඉහළම මට්ටමට ළඟා වී තිබෙනවා.
බ්රිතාන්ය සමුද්රීය ආරක්ෂක බලධාරීන් පවසන්නේ මෙම නෞකා නොදන්නා ප්රක්ෂේපණවලින් පහර කෑ බවත්, පුද්ගලයින් දෙදෙනෙකුට ජීවිත හානි හෝ තුවාල සිදුව ඇති බවයි.
ලයිබීරියා ධජය යටතේ ගමන් කළ Minoan Dynasty නෞකාවේ නාවිකයෙකු මෙම ප්රහාරයකින් මියගොස් ඇති බවද වාර්තා වනවා.
මෙම ප්රහාර මාලාවත්, ඉරානය සහ ඇමරිකාව අතර සාම සාකච්ඡා ප්රගතියක් නොමැතිවීමත් හේතුවෙන් ලෝක තෙල් වෙළෙඳපොළේ කනස්සල්ල වැඩිවී ඒ සමඟ Brent බොරතෙල් මිල පසුගිය සතිය තුළ 3%කට වැඩි ප්රමාණයකින් ඉහළ ගියා.
හෝමුස් සමුද්ර සන්ධිය යුද්ධයට පෙර ලෝකයේ තෙල් ප්රවාහයෙන් ආසන්නව පහෙන් එකක් ගමන් කළ අතිශය වැදගත් නාවික මාර්ගයක් ලෙස සැලකෙනවා.
ගැටුම් හේතුවෙන් මෙම මාර්ගය හරහා ගමන් කරන නෞකා සංඛ්යාව ආසන්නව 90%කින් පහළ ගොස් ඇති බවත්, මාසයකට සාමාන්යයෙන් ගමන් කළ තෙල් බැරල් මිලියන 500ක පමණ ප්රවාහය දැඩි ලෙස අඩුවී ඇති බවයි වාර්තා වන්නේ.
මෙම තත්ත්වය දිගටම පැවතුණහොත් ලෝක තෙල් මිල තවදුරටත් ඉහළ යා හැකි අතර, එය ඔස්ට්රේලියාව ඇතුළු රටවල ඉන්ධන මිල මතද පීඩනයක් ඇති කළ හැකි බවට වෙළෙඳපොළ කනස්සල්ල පවතිනවා.
