ඔස්ට්රේලියාවේ උද්ධමනය ජූලි මාසයේදී සියයට 3.5 දක්වා පහළ ගොස් ඇති බව ඔස්ට්රේලියානු සංඛ්යාලේඛන කාර්යාංශය (ABS) නිකුත් කළ නවතම දත්ත පෙන්වා දෙනවා.
කෙසේ වෙතත්, මෙය ඉදිරි මාසවලදී පොලී අනුපාත නැවත ඉහළ නැංවීමේ අවදානම සම්පූර්ණයෙන්ම නැති කර නොමැති බවයි ආර්ථික විද්යාඥයින් පවසන්නේ.
ජූනි මාසයේ පැවති 3.8%ක උද්ධමන අනුපාතය ජූලි මාසය වන විට 3.5% දක්වා අඩුවී තිබුණද, ආර්ථික විද්යාඥයින් අපේක්ෂා කළ 3.3%ට වඩා එය ඉහළ මට්ටමක පවතිනවා.
නිවාස ගාස්තු 5%කින් ඉහළ යාම සහ ඉන්ධන මිල නැවත ඉහළ යෑම මෙලෙස උද්ධමනය පාලනය කරගැනීමට බාධා මතුවීමට ප්රධාන වශයෙන් හේතු වී තිබෙනවා.
ඔස්ට්රේලියානු සංචිත බැංකුව (RBA) විසින් ප්රධාන වශයෙන් සලකා බලනු ලබන ‘Trimmed Mean’ හෙවත් මූලික උද්ධමන අනුපාතය වෙනස් නොවී 3.6% මට්ටමේම පැවතීම අවධානයට ලක්විය යුතු කරුණක්.
මෙම තත්ත්වය හමුවේ ලබන සැප්තැම්බර් මාසයේ පැවැත්වෙන සංචිත බැංකු ප්රතිපත්ති රැස්වීමේදී නැවත වරක් නය පොලී අනුපාත (Interest Rates) ඉහළ නැංවීමට ඉඩකඩ පවතින බවයි ආර්ථික විද්යාඥයින් අනුමාන කරන්නේ.
