Australian Bureau of Statistics හි 2021 Census දත්ත අනුව, ඔස්ට්රේලියාවේ ජීවත් වන ශ්රී ලංකාවේ උපන් ජනතාව අධ්යාපනය, රැකියා සහ ආදායම් අංශ කිහිපයකම කැපී පෙනෙන මට්ටමක සිටිනවා.
වයස අවුරුදු 15ට වැඩි ශ්රී ලංකාවේ උපන් පුද්ගලයන්ගෙන් 47.8%කට Bachelor Degree හෝ ඊට ඉහළ අධ්යාපන සුදුසුකම් ලබා තිබූ අතර, එය Australia-born ජනගහනයේ 22.7%ට වඩා දෙගුණයකට ආසන්නයි.
රැකියා කරන ශ්රී ලංකාවේ උපන් අයගෙන් 32.5%ක් Professionals ලෙස සේවය කළ අතර, Australia-born ජනගහනයේ එම අගය 22.5%ක් පමණයි.
ශ්රී ලංකාවේ උපන් අයගේ රැකියා බලකා සහභාගීත්වය 71.9%ක් ලෙස වාර්තා වී ඇති අතර, එය Australia-born සහ සමස්ත overseas-born ජනගහනයට වඩා ඉහළ අගයක් වනවා.
ඒ අතර රැකියා කරන ශ්රී ලංකාවේ උපන් අයගෙන් 60.5%ක් පූර්ණකාලීන රැකියාවල නිරතව සිටිනවා.
ඔවුන්ගේ සතිපතා මධ්ය ආදායම ඩොලර් 938ක් ලෙස වාර්තා වූ අතර, Australia-born ජනගහනයේ එය ඩොලර් 823ක් සහ සමස්ත Australia ජනගහනයේ ඩොලර් 805ක් පමණ වූ බවයි සංඛ්යා ලේඛන දත්තවල දැක්වෙන්නේ.
නිවාස අංශයෙන්ද ශ්රී ලංකාවේ උපන් පවුල්වලින් 47.2%ක් mortgage එකක් සමඟ තමන්ගේම නිවාසවල ජීවත් වූ බව ABS දත්ත පෙන්වනවා.
මෙම සංඛ්යා අනුව, ඔස්ට්රේලියාවේ ශ්රී ලාංකික ප්රජාව අධ්යාපනය, වෘත්තීය රැකියා, ආදායම සහ නිවාස හිමිකාරිත්වය යන අංශවල ශක්තිමත් ප්රගතියක් පෙන්නුම් කරන බව පැහැදිලියි.
