මෙල්බන්හි ඉහළ ගිය නිවාස මිල සහ ජීවන වියදම් දරාගැනීමට අපහසු වූ 31 හැවිරිදි ඕස්ට්රේලියානුවෙකු අවසානයේ තායිලන්තයේ පදිංචියට යාමට තීරණය කර තිබෙනවා.
ඔහු තායිලන්තයේ ග්රාමීය ප්රදේශයක නිදන කාමර තුනකින් යුත් නිවසක් ඉදිකර ඇති අතර, ඒ සඳහා වැය වී ඇත්තේ ඕස්ට්රේලියානු ඩොලර් 55,000කට ආසන්න මුදලක්.
විදුලි කණු සහ අනෙකුත් අවශ්ය පහසුකම් සඳහා තවත් ඩොලර් 3,000ක් පමණ වැය වී තිබෙනවා.
ඒ අනුව සම්පූර්ණ වියදම ඩොලර් 58,000කට ආසන්න වුවත්, ඔස්ට්රේලියාවේ නිවසක් මිලදී ගැනීම සඳහා විශාල නිවාස ණයක් ගැනීමට වඩා මෙය ඔහුට ලාභදායී විකල්පයක් වී ඇති බවයි ඔහු පවසන්නේ.
දැන් ඔහු නිවාස ණයක් නොගෙවන ජීවිතයක් ගත කරන අතර, මෙල්බන්හි ජීවත්වීමේදී තිබූ ආර්ථික පීඩනයද විශාල ලෙස අඩු වී ඇති බව කියාසිටියා.
ඔස්ට්රේලියාවේ නිවාස මිල, කුලී සහ දෛනික ජීවන වියදම් ඉහළ යමින් පවතින පසුබිමක, ඔහුගේ මෙම තීරණය සමාජ මාධ්යවලත් විශාල අවධානයක් දිනාගෙන තිබෙනවා.
