Woolworths සුපිරි වෙළඳසැල් ජාලය විසින් සංවිධානය කළ ජනප්රිය “Ooshies” එකතු කිරීමේ ප්රවර්ධන වැඩසටහන ඊයේ අවසන් වුණා.
ඩොලර් 30ක් වැය කරන සෑම අවස්ථාවකදීම Disney, Pixar, Marvel සහ Star Wars Ooshies එකක් ලබාදීමේ මෙම ප්රවර්ධනය, Coles සමාගමේ අලෙවියට පවා බලපෑම් එල්ල කිරීමට තරම් සාර්ථකත්වයක් අත්කර ගත්තා.
කෙසේ වෙතත්, බලාපොරොත්තු වූවාට වඩා අධික ඉල්ලුම නිසා නියමිත අවසන් දිනයට සති කිහිපයකට පෙර සිටම වෙළඳසැල්වල Ooshies තොග අවසන් වූ අතර, එමගින් පාරිභෝගිකයන් දැඩි අපහසුතාවයට පත් වුණා.
පාරිභෝගික පැමිණිලි මෙහෙයවන Ajust ආයතනය සඳහන් කරන්නේ, පසුගිය සති කිහිපය තුළ Woolworths ආයතනයට එරෙහිව ලැබුණු පැමිණිලිවලින් හතරෙන් එකකටත් වඩා වැඩි ප්රමාණයක් මෙම ප්රවර්ධන වැඩසටහනට අදාළ වන බවයි.
බොහෝ පාරිභෝගිකයන් මෙම එකතුන් සම්පූර්ණ කිරීම සඳහා සිය මුදල් වැය කිරීමේ රටාව මෙන්ම බඩු මිලදී ගත් ස්ථාන පවා වෙනස් කර තිබුණත්, අවසානයේ ඔවුන්ට සිදුවූයේ අසම්පූර්ණ එකතුන් සමඟ හිස් අතින් ආපසු හැරී යාමටයි.
” while stocks last” යන කොන්දේසිය යටතේ ප්රවර්ධනය ක්රියාත්මක කළ ද, පාරිභෝගිකයන්ගේ අපේක්ෂාවන් ඉටු කිරීමට අපොහොසත් වීම සම්බන්ධයෙන් බොහෝ දෙනා සමාගමට එරෙහිව චෝදනා එල්ල කරනවා.
මේ අතර නීති විශාරදයන් උපදෙස් දෙන්නේ මෙමගින් අතෘප්තියට පත් පාරිභෝගිකයන්ට ඒ පිළිබඳව Woolworths ආයතනයට හෝ පාරිභෝගික කටයුතු පිළිබඳ ආයතන වෙත සෘජුවම පැමිණිලි කළ හැකි බවයි.
එමෙන්ම, අනවශ්ය Ooshies ඔක්තෝබර් 31 වනදා දක්වා ප්රතිචක්රීකරණය සඳහා වෙළඳසැල් වෙත භාරදිය හැකි බවද Woolworths සමාගම වැඩිදුරටත් මතක් කර සිටිනවා.
