මෙතෙක් නිල් වුණු ප්‍රේමදාස හෙට කහ වෙයි - AusLanka TV - Australian News for the Sri Lankan community

මෙතෙක් නිල් වුණු ප්‍රේමදාස හෙට කහ වෙයි

මෙතෙක් නිල් වුණු ප්‍රේමදාස හෙට කහ වෙයි

ශ්‍රී ලංකාව තුල පවතින වත්මන් අර්බුදකාරී වටපිටාව මධ්‍යයේ වුවද දීර්ඝ ක්‍රිකට් තරග සංචාරයක් සඳහා ඕස්ට්‍රේලියානු කණ්ඩායම පසු ගිය පළමුවැනිදා ශ්‍රී ලංකාවට ලඟා වුනා.

ඉන් අනතුරුව ඇරඹුණු එක් දින තරගාවලිය තවත් එක තරගයක් ඉතිරිව තිබියදීම තරග තුනට එකක් ලෙස ජය ගන්නට ශ්‍රී ලංකා කණ්ඩායම සමත් වුණා.

ඉන් ප්‍රීතියට පත් වූ මෙරට ප්‍රේක්‍ෂකයන් හෙට කොළඹ ආර්.ප්‍රේමදාස ක්‍රීඩාංගනයේදී පැවැත්වෙන අවසන් එක්දින තරගයේ ඕස්ට්‍රේලියානු කණ්ඩායමට ගෞරවයක් ලබා දීමට සුදානම් වෙමින් සිටිනවා.

ඒ කහ වර්ණයෙන් යුත් ටී – ෂර්ට් පැළඳ හෙට (24) තරගය නැරඹීමට එක් වෙමින්.

සමාජ මාධ්‍ය ඔස්සේ පැතිර යන මෙම ප්‍රකශය සම්බන්ධයෙන් ශ්‍රී ලංකා ක්‍රිකට් ලේකම් මොහාන් ද සිල්වා මහතා ද පවසා තිබුණේ මෙවැනි අර්බුදකාරී අවස්ථාවක ශ්‍රී ලංකාවට පැමිණි ඕස්ට්‍රේලියානු කණ්ඩායමට ගෞරවයක් ලබා දීමට එය හොඳම ක්‍රියාවක් බවයි.

ඒ අනුව හෙට (24) තරගය නැරඹීමට ඕස්ට්‍රේලියානු ජාතික ක්‍රිකට් කණ්ඩායමේ ටී – ෂර්ටයට සමාන කහ පැහැති ඇඳුමකින් සැරසී තරගය නැරඹීමට එක් වන ලෙස ඔහු වැඩි දුරටත් ඉල්ලා සිටිනවා.

COMMENTS